Къабарты-Малкъар къырал аттестацияны бардырыргъа хазырды

Къабарты-Малкъар Республиканы Башчысы Казбек Коков КъМР-ни жарыкъландырыу, илму эм жаш тёлюню ишлери жаны бла министри Анзор Езаов бла ишчи тюбешиу къурагъанды. Анда эсеп къырал аттестацияны бардырыу соруула сюзюлгендиле.

Экзамен кампанияны бардырыргъа республикалы бюджетден 58 миллиондан сомдан артыкъ белгиленнгенди, аладан 31 миллион сом экзамен материалланы дистанцион халда жиберирча онг этген технологиялагъа. Дагъыда ырысхы 9-чу класслада экзаменлени берирча программаны жалчытылыныууна эм химиядан сынауну ётдюрюрча лаборатор оборудованияны алыргъа жиберилгенди.

- Эсеп къырал экзаменлени 13 мингден артыкъ адам ётерикди. Баш къырал сынауну 9-чу классланы 8554 выпускниги 46 пунктда, бир къырал экзаменни битеулю билим берген неда башха билим берген учрежденияланы 4582 выпускниги 23 пунктда берликдиле. Бусагъатда ЕГЭ-ни бардырырча технологияланы сынау ишле тындырыладыла, - деп билдиргенди министр.

Экзаменлени бардырыугъа 4,5 минг специалист къошуллукъду, ала шёндю хазырланыуну ётедиле. Минпросвещенияны КъМР-де МВД, КъМР-ни Саулукъ сакълау министерствосу, «Ростелеком» бла ведомствола аралы байламлыкълары жарашдырылгъандыла.

Тамамланнган ишге багъа бере, КъМР-ни Башчысы республика эсеп къырал экзаменни бардырыугъа хазыр болгъанын белгилегенди. Казбек Коков битеу тийишли техника эм къурау излемлени жалчытыргъа, сынауланы къоркъуусуз бардырырча КъМР-ни Минпросвещениясына КъМР-де МВД, КъМР-ни Саулукъ сакълау министерствосу, «Ростелеком» бла ведомствола аралы байламлыкъларын сакълагъанлай турургъа буюргъанды.