Аякъ машиналада – Къар Аппала бла Къар Къызла

Оналтынчы январьда Нальчикде Жангы жылгъа аталып велопарад боллукъду. Анга Къар Аппаны бла Къар Къызны кийимлерин кийип, Ставрополь крайдан, Шимал Осетиядан эм СКФО-ну башха субъектлеринден да велосипедчиле къатышырыкъдыла.  

Шахарны айнытыуну «Арт-зал «Платформа» институтуну таматасы Оксана Шухостанова айтханнга кёре, эришиу Нальчикни курорт тийресинде ётерикди. Ол Келишимни майданында  эрттенликде 11:00 сагъатда башланырыкъды. Алайдан спортчула Шогенцуков, Канукоев атлы орамлада энчи велосипед жолла бла келип, Абхазияны майданында жыйыллыкъдыла.  

- Эришиу быйыл бла экинчи кере бардырылады. Былтыр анга жюзге жууукъ адам къатышханды. Нальчикде, велосипед жоллагъа, алада жюрюгенлени санына къошула баргъаныны себебинден, велопробег айный барлыгъы ышанырчады. Ол санда бу жол Пятигорск бла Владикавказ шахарладан жангы къонакъланы да ашыгъып сакълайбыз, - дегенди Оксана Шухостанова.

Поделиться: