Терек бахчалыкъгъа - аслам эсКъМР-ни Эл мюлк министерствосундан билдиргенлерича, быйыл республикада терк айныгъан терек бахчалыкълагъа энтта да 1,5 минг гектар чакълы къошуллукъду. Эл мюлкню айнытыу жаны бла къырал программагъа кёре быйыл 1,5 минг гектар терк айныгъан терек бахчала салыргъа белгиленнген эди. Алай бла жаз башында минг гектарда терекчикле орнатылгъандыла. Бюгюнлюкде уа 500 гектарда къалгъанын салырча мадар этиледи. Эсге сала айтсакъ, былтыр республикада терк айныгъан технологияла бла терек бахчала 1380 гектарда жарашдырылгъандыла. Аланы асламысында тюрлю-тюрлю сортлу алмала ёседиле. Аны бла бирге регион кертмеден, эрикден эм шапталдан да бай тирлик жыяды. Быйыл, алгъадан этилген эсеплеге кёре, кёгетледен бла наныкъладан 535 минг тонна тирлик алыр мурат барды. Алгъаракълада КъМР-ни Башчысы Казбек Коков, "PROЯблоко-2021" ючюнчю халкъла аралы кёрмюч-конгрессде быйыл республикада 517 минг тонна алма жыйылыры сакъланнганын билдиргенди. Ол а былтырдан эсе 18 минг тоннагъа асламды. Аны бла бирге бюгюнлюкде регионда кёгетледен 150 минг тоннаны сакъларча 33 комплекс ишленнгени да сагъынылгъанды.
Поделиться:
Читать также:
02.04.2024 - 09:15 →
Тыш къыралла эмда башха регионла бла байламлыкъла кюч ала барадыла
01.04.2024 - 08:50 →
Гитче эмда орта бизнесни магъанасы уллуду
30.03.2024 - 12:00 →
«Не къыйын кюнде да сайлауума сокъуранмагъанма»
30.03.2024 - 08:50 →
Инвестициялагъа – энчи эс
05.03.2024 - 09:28 →
Инфляция азая барады
|