Электрон амал бла тёлеулеге сурам ёседи

Озгъан жылда Къабарты-Малкъарда тюрлю-тюрлю  товарла бла жумушла ючюн картала бла 24,6 миллион сом чакълы тёленнгенди. Буруннгу жыл бла тенглешдиргенде ол эки кереге кёпдю. Быллай амалны  бюгюнлюкде жамауатны 43 проценти хайырланады эмда аны ёлчеми   16,7 миллиард сомгъа жетеди.  

- Электрон халда тёлерге сюйгенлени санына дайым къошула барады. Аны  баш сылтауларындан бири терк эм къоркъуусуз  тамамларгъа жарагъанады. Аллай онглагъа сурам ёсе баргъанына тийишли регион проект себеплик этеди.  Аны чеклеринде бюгюнлюкде банк инфраструктураны айнытырча  эм жамауатны  финансла жаны бла да  билимлерин ёсдюрюрча мадар этиледи, -дейди финанс учрежденияны  республикада бёлюмюню  таматасыны орунбасары  Аслан Калов.  

Эсге сала айтсакъ, былтыргъы жылны 1 октябрине   картала бла тёлерча Къабарты-Малкъарда   6,6 минг устройство ишлегендиле. Ол а буруннгу жылдан эсе 22 процентге асламды.