Календарь событий

Элбрус районда фахмулу сабийле кёпдюле. Аллахдан келген белгини заманында эслеп, аны айнытыр ючюн а кючлерин аямай кюрешген аталагъа бла аналагъа ыспас этерчады. Огъары Басханда жашагъан Жаппуланы Асланны бла Владленаны юйюрлери ма аллайды. Ала юч сабий ёсдюредиле. Аланы не жаны бла да айнытыр ючюн, болгъан ишлерин къоюп, ыйыкъгъа бир кере Нальчикде «RT models» модельле школуна жюрютедиле. Владлена (Лада) кеси да не жаны бла да фахмулу, хар ишге къолу жарашхан тигиучюдю, жырчыды, устазды. Бюгюн ол бизни ушакъ нёгерибизди.

Баш кюн КъМР-ни Правительствосуну таматасы Мусукланы Алийни башчылыгъы бла РФ-ни МЧС-ини КъМР-де Баш управлениясыны стратегиялы сессиясы ётгенди. Анга битеу министерстволаны бла ведомстволаны башчылары къатышхандыла.

Биринчи майда къабыл этилген регламентге кёре  Къабарты – Малкъар къырал университетде мигрантла комплекс экзамен бераллыкъдыла: анга орус  тил, тарых, обществознание киредиле.

Апрельде къатыш аскер единоборствола бла кюрешген спортчуларыбыз Россейни башха-башха жыл санлада биринчиликлеринде жетишимле болдургъандыла. Алгъа Ижевскде эришиуде Аппайланы Амир (67кг.) - ючюнчю, Ахмат Макоев (70к.) экинчи жерлени алгъандыла. 

КъМР-де Оператив штаб республиканы жамауатын бла аны къонакъларын келе тургъан байрам бла – Уллу Ата журт урушда Хорламны кюню  бла -  алгъышлайды эмда сакълыкъны кючлендирирге чакъырады, террорчулукъ ишледен сакъланыр ючюн бу жорукълагъа бойсунуругъузну тилейди:

Май байрамла, жай башланнганы бла таулада жолоучулукълагъа чыгъаргъа сюйгенлени саны ёседи. Аны бла байламлы республиканы Курортла эм туризм министерствосу чекчи жерледе турууну жорукъларын эсгертиуню дурус кёргенди.

Республиканы заповеднигини ишинде экология туризмни айнытыугъа аслам магъана бериледи. Ол умутда эмда жарыкъландырыу, саулукъландырыу, илму-излем, тарых-маданият жумушланы тамамлар хыйсап бла аны тийресинде экология маршрутла жарашдырыладыла.

Арт кезиуде Запад къыралланы келечилери, ол санда Американы Бирлешген   Штатлары да Украинагъа тохтаусуз болушлукъ этип тургъанларына сокъуранып башлагъандыла. Аны баш сылтауу РФ-ни Сауутланнган кючлери энчи аскер операцияны майданларында украинлы неофашистлени иги да ууатып тебирегенлеринден болур.

Хурметли жамауат!                                                                                                           

Тау эллерибизде чибинчилик бла кюрешгенле бардыла. Балны саулукъгъа уллу хайыры болгъаны да белгилиди, аны сюйгенле да кёпдюле. Алай бал чибинлени кеслерини энчи жашаулары, итиниулери болгъанын билгенлени саны уа азды. Биз а аланы юсюнден Рахайланы Тахир бла ушакъ этгенбиз. Ол Бызынгыда жашайды, чибинчилик бла кёп замандан бери кюрешеди.

Быйыл биринчи кварталда Къабарты-Малкъарда ишлеген гидроэлектростанцияла бары да 42,1 миллион киловатт-сагъат электрокюч чыгъаргъандыла. «РусГидро» компанияны республикада бёлюмюнде айтханларына кёре, ол алгъын жылланы орта кёрюмдюлери тенгли бир болады.