|
|
Все статьи
16 января, 2019 - 08:11
Бизни жашауубузда модалары кетген затла бюгюнлюкде экинчи солуу алгъанчадыла. Буруннгудан келген сейир таш бурууланы элементлерин бусагъатда омакъ юйлени хуналарында эслейбиз, жангы мекямлада эрттегили кешенелени минара халлы башларына ушатыулагъа да шагъатбыз, юс кийимледе уа миллет тёреледе тигилгенлеге, аланы оюуларына къайтыу модельерлерибизни коллекцияларында дайым да жерлерин тапханлай турады.
16 января, 2019 - 08:10
КъМР-де МВД-ны миграцияны вопрослары жаны бла управлениясыны ишини, ол санда озгъан жылда эсеплерини юсюнден аны таматасыны орунбасары полицияны подполковниги Мурат Загаштоков бла ушакъ этебиз.
16 января, 2019 - 08:09
Республиканы ара шахарыны жер-жерли администрациясындан былтыр сынам халда къуралгъан «Витрина малых закупок городского округа Нальчик» деген электрон тюкен къыйматлы ишлегенин билдиредиле. Бу проектни магъанасы –шахаргъа керекли аберилени сатып алыуну ачыкъ халда, кеси да бюджет ырысхыны аяп алай тамамларгъады. Аны хайыры бла ол ишге гитче эмда орта бизнес бла кюрешгенле да къатышаллыкъдыла. Анга деп ала товарларыны неда не тюрлю жумушла тамамларгъа боллукъларыны каталогун жарашдырыргъа, аланы да багъаларын туура этерге керекдиле.
16 января, 2019 - 08:07
Тиширыу бла колония деген сёзле бир бирлерине келишмейдиле, болсада, законлукъну эм адамлыкъны жорукъларын бузуп, жууаплылыкъгъа тартылгъанла аз тюйюлдюле. Бизни республиканы Прохладна районунда, Советское элде орналгъан колонияда 220 тиширыу турады. Кертиди, аланы саны бирси жылладан эсе иги кесекге азды.
16 января, 2019 - 08:05
Элбрус районну администрациясыны билим бериу управлениясы энчи къайгъырыу керекли болгъан эм къыйын жашау болумгъа тюшген сабийлеге къарагъан билим бериу учрежденияла бла бирге «Сабийле ючюн – бирге» деген акция бардырады. Аны чеклеринде Тырныауузда 1-чи номерли лицейни «Энчи балала» атлы арасында «Музей - хар кимге да» деген проект къуралгъанды, «Дунияны огъурлулукъ сакълар» деген чыгъармачылыкъ мастерской да ачылгъанды.
16 января, 2019 - 08:00
Айырмалылагъа - дипломла, ахча саугъала
КъМР-ни Парламенти республиканы законла чыгъарыучу баш органыны ишин асламлы информация органлада ачыкълагъан бек иги материалланы сайлау жаны бла конкурс бардырады. Ол Парламентни 25-жыллыгъын белгилеуню чеклеринде къуралгъанды эмда жамауатны бу органны борчлары бла шагъырейлендирир мурат бла башланнганды.
14 января, 2019 - 09:35
Ставрополь крайны Суворовская станицасында къатыш единоборстволадан «Кавказны кубогу»бардырылгъанды.
14 января, 2019 - 09:30
Къабарты-Малкъаргъа быйыл социал болушлукъ керек болгъанланы дарманла, медицина керекле бла жалчытыугъа эмда саусуз сабийлеге багъыучу аш-азыкъгъа деп федерал бюджетден 94495,7 миллион сом тюшерикди.
14 января, 2019 - 09:27
Келир айда Бахсан шахарда бир жылгъа 50 минг тонна кир-кипчикни жарашдыргъан комплекс ачыллыкъды. Аны къурулушуна 34 миллион сомдан аслам къоратылгъанды, деп билдиргенди муниципалитетни администрациясыны башчысыны жашау болумну жалчытыу вопросла эм къоркъуусузлукъ жаны бла орунбасары Назир Карданов.
14 января, 2019 - 09:20
Белгили немисли къаячы эмда этнограф Карл Эггер 1914 жылны жазында бу тийрелеге келип, кёргенини,эшитгенини юсюнден «Kaukas in Kaukasus» деген китап жазып, аны 1915 жылда Германияны Базель шахарында А.Г.Фробенусну издательствосунда чыгъаргъанды. Китапны 59-65-чи бетлеринде ол Орусбийланы элинде болгъан кезиуюню, аны адамларыны, табийгъатыбызны ариулугъуну юсюнден уллу сюймеклик бла жазады.
14 января, 2019 - 09:20
Бу кюнледе Нальчикде Культура фондда «Славян ингирле» деген къууанчлы тюбешиу болгъанды. Аны республикада жашагъан белорусланы «Сябры» маданият арасы къурагъанды. Къонакъланы араларында уа тюрлю-тюрлю миллет биригиулени, ол санда оруслуланы «Вече», эрменлилени «Ахбыу», эбзелени «Риони», украинлыланы «Днипро» араларыны башчылары, келечилери кёп эдиле.
14 января, 2019 - 09:15
Бу айны биринчисинден башлап Къабарты-Малкъарда ток ючюн тарифле тюрленнгендиле. Каббалкэнергодан билдиргенлерине кёре, ол багъалагъа къошулгъаннга салыннган налог (НДС) 18 процентден 20 процентге кётюрюлгени бла байламлыды.
 Алай бла энди шахар тийреледе жашагъанла, кеслери да юйлеринде газ печьлери болгъанла эмда бу категориягъа тенглешдирилгенле бир киловатт ючюн 3,75 сом тёлерикдиле (ёсюм - 1,6 процент).
14 января, 2019 - 09:10
КъМР-де УФСИН-де къуллукъ этгенле ишлери сюдлюк болгъанланы къылыкъларын тюзетир муратда тюрлю-тюрлю амалланы хайырланадыла. Ол санда къырал байрамланы да белгилемей къоймайдыла. Ма быйыл да жангы жылны ал кюнлеринде 3-чю номерли колонияда маданият ишле эмда спорт эришиуле бардыргъандыла. Тутмакъланы араларында гитче футболдан, шахматладан, шашкаладан, стол теннисден эмда спортну башха тюрлюлеринден турнирле ётгендиле.
14 января, 2019 - 09:05
Росстатны эсеплерине кёре, Къабарты-Малкъарда биринчи къолдан сатылгъан жашау журтну бир квадрат метри 25292 сом турады. Бу тизмеде экинчи болуп Калмыкия барады. Анда бир квадрат метр 30155 сомгъа сатылады. Ызы бла учуз багъала Брянск, Владимир эм Тамбов областьлададыла.
Экинчи къолда сатылгъан журтланы рыногунда уа Къабарты-Малкъаргъа ючюнчю жер бериледи (бир квадрат метри 33500 сомду). Бу категорияда эм учуз багъала Смоленскде бла Ингушетиядадыла (31960 эм 33 453 сом). Дагъыда Хабаровск крайда - 68011, Москвада - 86016 эмда Сахалин областьда – 90260 сомду.
14 января, 2019 - 09:00
Къабарты-Малкъарны Бийик тау заповедниги 1976 жылда къуралгъанды. Анда ишлерин сюйген, анга кёллери бла берилген адамла урунадыла. Аны тийрелеринде аламат жерледен сора да, Къызыл китапха кирген битимле, жаныуарла, къурт-къумурсхала да бардыла. Ма аланы сакълау, экология болумну тазалай туруруна себеплик этиу бизни баш борчубузду.
14 января, 2019 - 08:55
2019 жылда «Онкология ауруулагъа къажау сюелиу» деген миллет проектни чеклеринде Къабарты-Малкъар федерал бюджетден 149 миллион сом аллыкъды.
11 января, 2019 - 08:40
Бараз кюн 18.10 минутда Элбрус излеу-къутхарыу къауумну дежурныйине Москвадан келген тиширыу сёлешип, баш иеси эрттенликде лыжалада учаргъа кетип, шёндюге дери къайтмагъанын билдиргенди. Къутхарыучула олсагъат жолгъа атланнгандыла. Алагъа канат жоллагъа къарагъанланы къаууму да къошулгъанды.
Лыжачыны эки сагъатдан артыкъ излерге тюшгенди. 21 сагъатда аны ёлюгюн 3500 метр бийикликде «Мир» станцияны тюбюнде тапхандыла. Ызы бла къутхарыучула аны энишге тюшюрюп, ведомствола аралы следственный къауумгъа бергендиле.
11 января, 2019 - 08:32
Сбербанкны «ДомКлик» деген электрон сервисинде энди юйню неда фатарны ортакъгъа берирге сюйгенле аны юсюнден билдириу этерге боллукъдула. Финанс учрежденияны Къабарты-Малкъарда бёлюмюнде айтханларына кёре, ары, ол санда, отоуланы, юйню бир кесеклерини суратларын да салыргъа жарарыкъды.
11 января, 2019 - 08:26
Прохладна районну эркин тутушуудан кубогуна республиканы спорт клубларындан бла школларындан 2004-2007 жыллада туугъан жаш гёжефле къатышхандыла.
Анда «Хасания» спорт клубну келечилери жетишимли болгъандыла. Кеслерини жыл сан эм ауурлукъ къауумларында алтын майдалланы Гергъокъланы Саид, Мицелланы Ибрагим, Уяналаны Альберт къытхандыла. «Кюмюшню» Къайгъырмазланы Ислам алгъанды. Зокъаланы Амир бла Мисирланы Алий ючюнчюле болгъандыла.
11 января, 2019 - 08:23
Тырныауузда В.А. Губанов атлы спорт-саулукъну кючлеу комплексде боксдан, тренер Муаед Дышековну бла спортну устасы Текуланы Маратны хурметлерине тёрели битеуроссей эришиу къуралгъанды. Анга 2002-2005 жыллада туугъан 160-дан аслам спортчу къатышханды.
Анда Элбрус районну спорт школларында жарау этгенле жети алтын, сегиз да кюмюш майдал къытхандыла. Кеслерини жыл сан эм ауурлукъ къауумларында Будайланы Амир, Теммоланы Алан, Хапаланы Асланбек, Умар Эржибов, Альберт Кагаов, Бичеккуланы Тенгиз, Малкъарланы Алим хорлагъандыла.
Страницы
|
