Спорт

Минги тауну тийресинде «Россейни къаялары. Элбрус-2025» деген фестиваль кесини ишин башлап, 5 кюнню ичинде бардырыллыкъды.  Быйыл бла экинчи кере аны Россейни Таугъа ёрлеуден федерациясы бла Альпинизмден федерациясы биригип бардырадыла. Бу жол спортну бу эки тюрлюсюнде кеслерини усталыкъларын кёргюзтюрге Басхан ауузуна 600-ден аслам спортчу къатышыркъдыла.

Бу кюнледе Киров шахарда жаш тёлюню арасында бир жолгъа  спортну беш тюрлюсюнден Россейни биринчилиги эмда  шёндюгю пятиборьеден регионла аралы турнир бардырылгъандыла. 

Чегем шахарны физкультура-саулукъну кючлеу арасында Совет Союзну Жигити Н.Т. Канукоевни хурметине аскер къол тюйюшден тёрели республикалы эришиу къуралгъанды. 

Нальчикни ара солуу паркында чекленнген онглары болгъан сабийлеге онекинчи зауукълу эришиуле къуралгъандыла. 

Москвада право низамны сакълаучу органланы келечилерини эмда аскерчилени араларында дзюдодан XIX халкъла аралы эришиу бардырылгъанды. 

Велосипедчини битеудуния кюнюне жоралап республиканы Спорт министерствосу Велосипед спортдан федерацияны себеплиги бла ачыкъ машиналада онтёртюнчю битеукъырал чабыуну бардыргъанды. Ол «Спорт – жашауну низамы» федерал проектни чегинде къуралгъанды.

Дунияны чемпионатыны аллында спортчуларыбыз Россейни универсал сермешден чемпионатындан жети майдал бла къайтхандыла. Эришиу Воронежде ётгенди, анга 38 региондан эм кючлю 400-ден аслам гёжеф къатышхандыла.

Аманлыкъчыланы терсликлерине жолукъдуруу службаны регионда бёлюмюнде «Зарница» аскер-патриот оюнла къуралгъандыла, анга управленияны ишчилерини сабийлери къатышхандыла. 

Бу кюнледе «Россейни жюзюучюлерини биригиую» Къабарты-Малкъар регион жамауат организация Хорламны 80-жыллыгъына атап Нарсана шахарда  эришиу  бардыргъанды. Анга Къабарты-Малкъардан, Ставрополь эм Краснодар крайладан, Къарачай-Черкесден, Шимал Осетия-Аланиядан, Юг Осетиядан, Ингушетиядан эм Ростов областьдан 400-ден артыкъ спортчу къатышхандыла. 

Уллу Хорламгъа жораланып, Нальчикде «РусГидрону» себеплиги бла жаш спортчуланы араларында талай эришиу ётдюрюлгенди. Ала байрамны белгилер, тёлюлени араларында байламлыкъланы кёргюзтюр, саулукълу жашау бардырыуну оюмларын кенг жаяр мурат бла къуралгъандыла.