Спорт

 Республиканы Спорт министерствосундан эсгертгенлерине кёре, 2025 жылны январындан башлап «Урунуугъа бла къорууланыугъа хазырма» (ГТО) битеуроссей физкультура-спорт комплексни мардаларын бергенлеге налог вычет этиледи. 

Нальчикде шахматладан мектеплени араларында бардырылгъан «Акъ ладья» деген эришиуню регион кезиую къуралгъанды, анга регионну башха-башха районларындан 15 къауум къатышханды.

Нальчикде «Спартак» стадионда дзюдодан республиканы чемпионаты бардырылгъанды, анда къарыуларын 78 спортчу сынагъанды.

Шахматланы «Каисса» школунда, Малкъар халкъны жангырыу кюнюне аталып, блиц эришиу къуралгъанды, анга бизни республикадан бла Шимал Осетия-Аланиядан башха-башха жыл санда 52 шахматчы къатышханды.

Черкесск шахарда къатыш единоборстволадан СКФО-ну биринчилиги ётдюрюлгенди, анда округну битеу регионларындан эм кючлю спортчула сермешгендиле.

Нальчикде 15-16-жыллыкъ спортчуланы араларында боксдан «Динамо» биригиуню битеуроссей эришиулери бардырылгъандыла. Алагъа Россейни 22 субъектинден 183 адам къатышхандыла

Ностуланы Ислам умутландыргъан спортчуларыбызны араларындады, ол каратеде жетишимлери бла белгилиди. Юлгюге, алгъаракълада Москвада ЦСКА-ны спорт единоборствола мекямында «Киокушинкай-каратеден федерацияланы содружестволарыны кубогу» деген III халкъла аралы эришиу къуралгъанды. 

Гумаланы Борис,  Къабарты-Малкъар къырал университетни Тарых-филология факультетин, Жамауат усталыкъланы факультетини тау туризмни инструкторлары деген бёлюмюн тауусуп, кёп заманны ичинде Сабийлени эм жаш тёлюню чыгъармачылыкъ дворецини Туризм эм краеведение бёлюмге таматалыкъ этип келеди, аны педагогика стажы отуз жылдан асламды, тау туризмден СССР-ни спортуну устасы деген сыйлы атха тийишли болгъанды.  

Нальчикде Универсал спорт комплексде Терроризмге къажау миллет комитетни 20-жыллыгъына аталып, «Спорт терроргъа къажауду» деген чакъырыу бла спорт тутушуудан эришиулени фестивалы башланнганды.

Владикавкада аскер самбодан бла самбодан 16 жыллары толмагъан жашланы бла къызланы араларында СКФО-ну биринчилиги бардырылгъанды, анга округну битеу регионларындан 400-ге жууукъ спортчу къатышхандыла.