Спорт

Къабарты-Малкъарны боксдан олимпиада резервли спорт школу 1995 жылда ачылгъанды, андан бери ол тюрлю-тюрлю эришиуледе республиканы атын айтдыргъан, кючлю боксчуланы хазырлайдыла.

Башха-башха жыл санда тёрт жюзге жууукъ сабий жараугъа Элбрус районну Байзуллаланы Юсюп атлы  олимпиада резервли спорт школуна келедиле. Былтыр анда грек-рим тутушуудан бла спорт гимнастикадан бёлюмле ачылгъандыла. Сынамларына кёре  спортчуланы эки къууамгъа юлешедиле: башланнган эм жарау этиу. Усталыкъларын ёсдюрюп, сынам жыйгъанланы уа бийик спорт усталыкъ къауумлада сакълайдыла, алада онжети тренер ишлейдиле.

СССР-да къыралны дзюдодан жыйымдыкъ командасыны биринчи тренери Владлен Андреевни хурметине аталып  Москвада эр кишилени эм тиширыуланы араларында «FONBET» деген  битеуроссей эришиу бардырылгъанды. Анга 23 региондан 400-ге жууукъ спортчу къатышхандыла.

Красноярскда Иван Ярыгинни атын жюрютген спорт арада дзюдодан алтын эм тюрсюнлю темирле жарашдыргъан заводну директору Владимир Гулидовну хурметине аталгъан «А» класслы тёрели эришиу къуралгъанды. Анда саугъала ючюн 14 ауурлукъ къауумда къыралны 18 регионундан, Беларусьдан бла Таджикистандан 130-дан аслам спортчу тутушхандыла.

Озгъан ёмюрню сексенинчи, токъсанынчы жылларында бизни жашларыбыз тыш къыраллада бардырылгъан халкъла аралы эришиуледе трибуналаны кёп кере къалтыратхандыла. Россейни байракъларын кётюртгендиле, гимнин сокъдургъандыла, республиканы атын айтдыргъан-дыла. Алгъаракълада къыш Олимпиада оюнла болдула, жарсыугъа, Къабарты-Малкъардан адам къатышмады. Бакуда Европалы оюнла бардырылдыла, анда да алай. Къайдадыла да спорт бла кюрешген жашларыбыз? Бу, дагъыда башха сорууланы дзюдодан тренер, спортну устасына кандидат Шауаланы Магометни жашы Ханапийге бергенбиз.

Чеченланы Мамляны жашы Марат Тюркню Анкара шахарында боксдан халкъла аралы эришиуледе кёп къыраллагъа атын айтдыргъан эди. 91 килограмм ауурлукъда сермеше, ол алтын майдалгъа тийишли болгъан эди. Аны бла жууукъларына бла ахлуларына, саулай республикада ёхтемлик, къууанч да келтирген эди. 

РусГидро компанияны бешинчи Спартакиадасыны «Къыбыла» къауумну айырыу кезиую кёп болмай Нальчикде ётгенди. Анга Къабарты-Малкъарда, Дагъыстанда, Къарачай-Черкесде, Шимал Осетияда бёлюмледе, Волжск, Къобан эмда Чиркей ГЭС-леде уруннганла къатышхандыла – битеу да 150 спортчу. Ала женгил атлетикада, кроссфитде, шахматлада, жюзюуде, стол теннисде эмда волейболда къарыуларын кёргюзтгендиле.

Яникойда спорт араны къууанчлы халда ачылыуу былтыр 28 мартда, Малкъар халкъны Жангырыу кюнюнде, болгъанды. Анга башчылыкъны Айтекланы Сагид этеди.

Бюгюн Адыл-Суу ауузда «Болдермания. Джан-Тууган-2023» деген россейли альпинист фестиваль ачылгъанды. Анда таучула  тюрлю-тюрлю категориялада кеслерин сынарыкъдыла.

Краснодарда шёндюгюлю пятиборьядан СКФО-ну бла ЮФО-ну биринчиликлери бардырылгъанды. Эришиулеге эки округну да регионларындан 150-ден аслам спортчу къатышхандыла, эсеплеге кёре бизни республиканы къаууму биринчи жерге чыкъгъанды.