Спорт

 Онбешинчи битеуроссей олимпиада кюннге аталып республиканы Олимпиада совети, Спорт министерствосу, физкультура эм спорт жаны бла жер-жерли самоуправление органла бла бирге эришиуле къурагъандыла.

Кисловодскда каратени бир тюрлюсюню къорууланыу амалланы хайырланыу бла толу контакт бёлюмюнде Кисловодскда «5642» клуб ачыкъ эришиу къурагъанды, сермешле «Kub_team» араны кубогу ючюн бардырылгъандыла.

Нальчикде каратени араши тюрлюсюнден регионла аралы эришиу къуралгъанды, ол битеулю жорукъла бла бардырылгъанды. Анга каратени башха-башха тюрлюлеринден, аскер къол тюйюшден,  тхэквондону ГТФ тюрлюсюнден эм ММА-дан жарау этген эм кючлю спортчула къатышхандыла. Ала Ставрополь крайдан, Ингушетиядан келгендиле, республикабыздан да аслам адам болгъанды.

Аскер искусстволаны тёрели битеуроссей эм жаш тёлю «Альборц» лагерьни чегинде Минги тауда эришиу бардырылгъанды, анга Шимал Кавказ эм Ара федерал округладан спортчула къатышхандыла.

СССР-ни спортуну устасы Бабаланы Къууанчны хурметине  тюнене Нальчикде «Гладиатор» спорт арада дзюдодан 18 жыллары толмагъан жашланы бла къызланы араларында битеуроссей эришиуню ачылыуу болгъанды. Анга Россейни 20-дан аслам регионундан 500-ден кёп умутландыргъан спортчу къатышханды. 

 Къабарты-Малкъар къырал университетни спорт арасында «Спорт терроргъа къажауду» деген чакъырыу бла каратени киокушин тюрлюсюнден республиканы кубогу къуралгъанды.

Июньну биринчи жарымында, Спорт министерствосундан билдиргенлерича, республикада дзюдодан халкъла аралы жыйылыула бардырылгъандыла, алагъа Бразилиядан, Къытайдан, Къазахстандан бла Къабарты-Малкъардан 200-ге жууукъ спортчу къатышхандыла.

8 июньда «Россейни къаялары. Эльбрус-2024» деген жайны эм уллу фестивалы башланнганды. Россейни Къаялагъа ёрлеуню бла Альпинизм федерациялары бирлешип алай къурагъандыла бу фестивальны.

Къабарты-Малкъарны Спорт министерствосундан билдиргенлерине кёре, республика «Зарядкаланы марафону» спорт акциягъа къошулгъанды. Ол «Россей» кёрмюч-форумну чегинде къуралгъанды.

КъМР-ни Жаш  тёлюню ишлери жаны бла министерствосуну себеплиги бла «Жигитлени лигасы» интеллектуал – спорт эришиулени чегинде Лескен районда грек-рим тутушуудан сынаула болгъандыла. Алагъа республиканы жер-жерлеринден он къауум къатышханды.