Спорт

КъМР-ни Жаш  тёлюню ишлери жаны бла министерствосуну себеплиги бла «Жигитлени лигасы» интеллектуал – спорт эришиулени чегинде Лескен районда грек-рим тутушуудан сынаула болгъандыла. Алагъа республиканы жер-жерлеринден он къауум къатышханды. 

Жангуразланы Хаким тау элибизде – Огъары Жемталаны спорт арасында – сабийлени дзюдогъа, спортну дагъыда талай башха тюрлюсюне юйретеди. Ала, эришиулеге къатыша, жетишимли да боладыла. Бюгюн ол бизни ушакъ нёгерибизди.  

Киров шахарда   шёндюгю пятиборьеден  Россейни  регионла аралы биринчилиги ётгенди.  Эришиуге къыралны онжети регионундан беш жюзге жууукъ спортчу къатышханды. Анда  Къабарты-Малкъарны  командасы  биринчи жерге чыкъгъанды. Аны къауумуна  2012-2013 жыллада туугъан Хочуланы Тамерлан, Влад Остриков, Тимур Хакулов киргендиле.

Грецияны Лутраки шахарында грек-рим тутушуудан 16 жыллары толмагъан гёжефлени араларында Европаны биринчилиги бардырылгъанды. Анга башха-башха къыралладан эм умутландыргъан спортчула къатышхандыла.

Мен Ностуланы Мустафаны жашы Хажи-Мурат бла бир жыйырма-жыйырма беш жыл мындан алгъа тюбешип, кёп кере ушакъ да этип, газетге да жазып тургъанма. Арыкъсуу, артыкъ бийик болмагъан, не заманда да ийменчек, кесин кётюрмеген, айтырын, этерин да билген, ахшы устаз, ашыкъмай сабыр сёлешген адам эди. «Сёзню сатмай бермеген» деп да аллайлагъа айта болурла. Ол чынтды эр кишича сёз берсе, аны толтургъунчу тынчаймаучу эди. Аны кёп ахшы ышанларындан жаланда бир юлгю келтирейим.

Къарчаланы Ислам 2014 жылны 18 ноябринде туугъанды. Бюгюнлюкде ол Нальчикни 12-чи мектебини ючюнчю классыны окъуучусуду, карате бла эки жылны тренер Будайланы Казбекде кюрешеди. Спортха уа аны анасы Къарчаланы Сакинат келтиргенди. «Казбек къоншумду, кеси да жетишимли каратечиди.

СССР-ни сыйлы тренери В.Б. Кантерманны хурметине аталып, Москвада грек-рим тутушуудан битеуроссей эришиу къуралгъанды, анга къыралны жер-жерлеринден 2009-2010 жыллада туугъан гёжефле къатышхандыла.

Магаданны «Колымский» спорт арасында, Олимпиаданы чемпиону Валерий Попенченкону хурметине аталып, боксдан тёрели 53-чю эришиу ётдюрюлгенди. Быйыл аны баш саугъасы – агъач ладья – ючюн къыралны отуз регионундан эм кючлю спортчула сермешгендиле, ол санда Элбрус районну олимпиада резервли спорт школундан Гыжгыланы Юсюп да.

Алгъаракъда Нарткъала шахарны «Эльбрус» деген картодромунда Шимал Кавказны Кубогу деген эришиу ётгенди. Ол энчи аскер операцияда ёлген аскерчилени хурметлерине жораланнган эди. Аны Россейни ДОСААФ-ны республикалы бёлюмю къурагъанды.

Санкт-Петербургда Фин заливни тийресинде парус къайыкълада эришиу бардырылгъанды. Анга тынгылы хазырлылыкълары болгъан эм бийик усталыкълы спортчуладан къуралгъан къауумла къатышыучудула.