Спорт

Олимпиада оюнланы чемпиону СССР-ни сыйлы спортчусу Анатолий Парфёновну хурметине аталып, Нижегород областьны Бор шахарында грек-рим тутушуудан жаш гёжефлени араларында Россейни кубогу бардырылгъанды.

Санкт-Петербургну «Арена» арасында боксдан эр кишилени араларында «Динамо» обществону саугъаларына битеуроссей эришиу къуралгъанды.

Къабарты-Малкъарны футболдан федерациясы «Спартак» стадионда футболдан республиканы Башчысыны кубогуна матчла бардыргъанды. Бу эришиу жыл сайын тёрели халда къуралады.

Республикабызда бокс спортну айныгъан тюрлюлеринденди, аны бла аслам адам профессионал, любитель халда да кюрешедиле. Тренер Тогъузаланы Ибрагим Нальчикде бай сынамына сабийлени юйретеди, алагъа спорт, адамлыкъ жаны бла да ахшы юлгю кёргюзтеди. Ол кеси, спорт бла сабийликден кюреше, дзюдодан, боксдан бла къатыш единоборстволадан округ, къырал даражалы эришиуледе атын айтдыргъанды, республиканы жыйымдыкъ командасына киргенди. Спорт бла кюрешген заманында 450 –ге жууукъ сермеш бардыргъанды. Бизни бла ушагъында спортха къалай келгенини, тренерлик ишини юсюнден да айтханды.

Республикабызда, битеу къыралда да ауур атлетиканы айныууна уллу къыйын салгъан тренерледен бири Маккаланы Махтиди. Ол Россейни сыйлы тренериди, Къабарты-Малкъарны физкультурасыны эм спортуну сыйлы къуллукъчусуду, бюгюнлюкде уа Азербайджанны ауур атлетикадан федерацияны директорларыны советини оноуу бла ол тыш къыралгъа эр киши жыйымдыкъ команданы хазырларгъа чакъырылгъанды.

Къабарты-Малкъарны Спорт министерствосу чыгъаргъан эсеплеге кёре, 2023 жылда республикада физкультура эм спорт бла дайым кюрешген адамланы саны 54,6 процент болгъанды. 400-ден аслам спортчубуз халкъла аралы эм битеуроссей 140 эришиуде хорлагъанланы санына киргендиле.

Барнаулда 15-16-жыллыкъ жашланы араларында кикбоксингден XII жай спартакиада бардырылгъанды. Анга къыралны 34 регионундан жюзге жууукъ спортчу къатышханды, ала къарыуларын кикбоксингни «фулл-контакт», «лайт-контакт» эм «поинтфайтинг» бёлюмлеринде сынагъандыла.

Къыралыбызны онбеш регионундан 600-ге жууукъ дзюдочу Нальчикге юйрениу-жарау этиу жыйылыулагъа келип турадыла.

Инсанны тюз, ариу ниетледе ёсдюрюуде, къарыулу этиуде спорт уллу магъананы тутады. Гитчеликден жарау этдириу, эришиулеге къатышдырыу сабийлени муратларына жетиуде къаты болургъа, шуёхлукъ жюрютюрге юйретедиле. Эки къарындаш – Малкъондуланы Имран бла Элдар республиканы Спорт министерствосуну спортну Олимпиадагъа кирмеген тюрлюлеринден «Спарта» клубуна жюрюйдюле, анда тренер Аслан Шогеновда кудогъа юйренедиле. Бери биринчи жарауларына жашчыкъланы аталарыны къарындашы Аппаланы Марат келтирген эди, ала да залны, сермешлени да жаратхандыла.

Бу кюнледе къатыш единоборстволадан халкъла аралы эришиу къуралгъанды, анга СКФО-ну республикаларындан, Краснодар крайдан бла Ставропольдан 150-ден аслам жаш спортчу къатышхандыла.