Право

Ёсюп келген тёлюню следовательни ишине сейирлерин къозгъау эм Россейни Следствие комитетин КъМР-де следствие управлениясыны кадр болумун кючлеу жумушланы чеклеринде Чегемни кадетлери бла тюбешиу къуралгъанды. 

КъМР-ни Халкъны урунуу, иш бла жалчытыу эм социал къоруулау арасында жууапха эркинликлерин сыйырмай тартылгъанланы эмда тутмакъладан чыкъгъанланы иш бла жалчытыу соруула жаны бла ишчи тюбешиу болгъанды.

Излеу-тинтиу жумушланы бардыргъан кезиуде Россейни ФСБ-сыны КъМР-де Управлениясыны къуллукъчулары, полициячыла бла бирге, коммерциялы организацияладан бирини башчысыны аманлыкъ ишин тохтатхандыла.

Кюч ведомствону пресс-службасындан бизге билдиргенлерича, предприниматель Черек районда турист ара къураргъа берилген субсидияны урлагъанды. Аманлыкъ бла ишлеген 16,5 миллион сомну ол законлу мурдоргъа кёчюрюрге кюрешгенди.  

Контрафакт продукцияны сатыу-алыугъа къажау излеу-тинтиу жумушла бардыргъан кезиуде РФ-ни ФСБ-сыны КъМР-де Управлениясыны къуллукъчулары полициячыла бла бирге республиканы юч инсаны Э.Х. Хуштовну, Т.Р. Муратовну эм И.Р. Муратовну аманлыкъчы ишлерин тыйгъандыла.

  Къабарты-Малкъарны колледжлерини окъуучулары «Жашауну жорукълары» ангылатыу жумушлагъа къатышхандыла.  Къырал автоинспекторла, Россейни МВД-сыны «Нальчик» управлениясыны жамауат советини келечиси Аттоланы Диана бла бирге «Къурулушчу» колледжде болгъандыла.

Жаш тёлюню бла сабийлени чыгъармачылыкъларыны дворецинде «Жолда жюрюуню жорукъларына юйретген эм иги устаз» республикалы конкурс бардырылгъанды. Анга къырал автоинспекторла, право низамны  сакълаучула, республиканы районларында билим бериу управленияланы келечилери эм башхала къатышхандыла.

Излеу-тинтиу жумушла толтургъан кезиуде РФ-ни ФСБ-сыны КъМР-де Управлениясыны къуллукъчулары Ич ишле министерствону полициячылары бла бирге Пермь крайдан 21-жыллыкъ жаш адамны аманлыкъчы ишин тохтатхандыла. Ол тыш къыраллы колл-центрлеге хыйлалыкъ этерге болушханына ишеклик барды. 

Право низамны сакълаучулагъа телефон бла хыйлачылагъа кеслерин алдатхан инсанладан тарыгъыула кюн сайын келедиле. РФ-ни СК-сыны КъМР-де Следствие управлениясындан бизге билдиргенлерича, телефон бла хыйлачылыкъ  этгенле усталыкъларын ёсдюргенлей, жангы амалланы хайырланнганлай турадыла. 

Къабарты-Малкъарны Жамауат палатасыны сайтында билдирилгенича, эркинликлери сыйырылгъан неда чек салыннган ата-аналагъа юридический болушлукъну хакъсыз этиуню юсюнден закон къабыл кёрюлгенди.

КъМР-ни Муслийманларыны дин управлениясында Аманлыкъчыланы терсликлерине жолукъдуруу федерал службаны КъМР-де Управлениясыны динле аралы ишчи къауумну жыйылыуу болгъанды. Анга тюзетиу ведомствону башчысыны орунбасары Николай Никитин, УФСИН-ни башчысыны дин тутханла бла ишни къурау жаны бла болушлукъчусу Мурат Хаджиев, республиканы муфтийини орунбасары, къадий Мисирланы Хызыр къатышхандыла.