Жамауат

1945 жылда 24 июньда Къызыл майданда Уллу Хорламны тарых магъанасы болгъан Парады бардырылгъанды.

Солуу кезиуде сабийлени къоркъуусузлукъларын жалчытыугъа аталгъан жыйылыулагъа юч жюзден аслам ата бла ана къатышхандыла. Аллай тюбешиуледен бири Тырныауузда Къулийланы Къайсын атлы Маданият юйде да бардырылгъанды. Анга районну башчысы Отарланы Мухтар, право  низамны сакълаучула, наркологла да къатышхандыла. 

Хурметли шуёхла! Битеу жюрегимден сизни Жаш тёлюню кюню бла алгъышлайма!
Сизни тирилигигизге, башламчылыкъла хунеригизге бла жууаплыгъыгъызгъа, Ата журтха хайыр келтирирге итиниуюгюзге кёре болады кёбюсюнде регионубузну эмда къыралыбызны келлик заманы. 

Быйыл къышны хауа болуму  бла байламлы губула февральны ортасындан тирилип тебиреген эдиле. Андан бери республикада медицина учрежденияланы аладан ачыгъан 374 адам жокълагъанды. Аладан 192-си акъылбалыкъ болмагъанладыла. Былтыр сагъынылгъан кезиуде къуртла 469 адамны къапхандыла, ол санда 191 сабийни. Насыпха, биринде да жукъгъан ауруу ачыкъланмагъанды, деп билдиргендиле Роспотребнадзорну КъМР-де бёлюмюнден.

Быллым элни сабий садын быйыл 10 сабий бошагъандыла. Аланы мектепге ашырыу а мында энчи халда  ётгенди. Энчилиги недеди десегиз, юйретиучюле битеу байрам программаны ёз тилибизде къурап бардыргъандыла. Аны ючюн ала энчи ыспасха бла махтаугъа тийишлидиле.

Т.К. Мальбахов атлы къырал миллет китапхананы республикагъа, хар бир адамгъа да магъанасы уллуду. Аны миллет эм краевед бёлюмюнде  тохтамай тюрлю-тюрлю ишле этгенлерин, аланы юслери бла ёсе келген тёлюню къыралыбызны, халкъыбызны сюерге юйретгенлери белгилиди. 

Газетни юсюнден оюмларын бизге окъуучуларыбыз билдиргенлей тургъанлары къууандырады. Бизни бар ишибиз, багъалы адамларыбыз, сизни ючюндю, газетибиз да халкъны газетиди, аны бир бетиди, шартыды. Бу кюнледе Тетууланы Хадисни жазылыу кампаниягъа чакъырыу сёзю интернет къауумлада жайылгъандан сора, бизге Къарачай-Черкесден Лепшокъланы Владимир да кесини жюрек сёзюн жазып жибергенди.

Тырныауузда жашагъан Холамханланы Маратны къызы Алина Элбрус районну жер-жерли администрациясыны пресс-службасыны таматасыды, районну профсоюзларыны комитетини келечисиди, жаш тёлю политика жаны бла советини секретарыды. Андан сора да, бюгюн-бюгече да окъууун тохтатмайды, бийик билим алгъанды. Россей даражада бардырылгъан кёп тюрлю программалагъа бла грантлагъа тири къатышады. Ол  бизни ушакъ нёгерибизди.

«Тиширыу. Миллет эмда Россейни халкълары» деген ат бла бу кюнледе битеуроссей  социал-культура проектни эмда конкурсну эсеплерин сюзюуге жораланнган  къууанчлы жыйылыу болгъанды. «Тиширыу. Ол Россейни кёп регионларындан тюрлю-тюрлю миллетлени тиширыуларыны араларында юйюрню, маданиятны, адет-тёрелени эмда энчи  айныуну бирикдирир хыйсапдан къуралып бардырылгъанды.  Аны ахыр кезиуюне  Дуния Артий комитетни биринчи вице-президенти Ауес Бетуганов да чакъырылгъанды.

2026 жылда Къабарты-Малкъарны эл мюлк  вузу  45-жыллыгъын белгилерикди. Алай а бу магъаналы датаны аллында, биринчи аграр студент болургъа дери иги да кёп заман алгъа башланнган тарых турады. Бу хапар — республика жерчиликде илмугъа таянып уруна билгенлени кеси хазырларгъа эркинликни къалай алгъаныны эмда гитче факультетден Шимал Кавказны эм уллу университетлеринден бири къалай ёсгенини юсюнденди.