Жамауат

Сабийлени окъутуугъа жарым ёмюр жоралагъан белгили устаз Гогуйланы Ханапийни къызы Аплистан бу кюнледе 70-жыллыгъын белгилейди. Бюгюннгю ушагъыбыз аны бла барады.– Аплистан, билим бериу жаны бла ишлегенле сени  таныйдыла. Газет окъуучуларыбызгъа да айт кесинги юсюнгден?

Махтаулукъну ордени (орден Славы) СССР-ни Баш Советини Президиумуну 1943 жылда 8 ноябрьден Указына кёре тохташдырылгъанды. Ол солдатлагъа берилиучю бек сыйлы саугъаладан бириди. Аскерде къуллукъ этгенледен аны рядовойлагъа бла сержантлагъа, авиацияда уа – кичи лейтенантлагъа, урушда жигитлик, батырлыкъ эм ётгюрлюк да этгенлеге бергендиле.

КъМР-ни сыйлы экономисти, Россейни сыйлы жол къурулушчусу Гыжгыланы Малик ана тилибизде чыкъгъан газетибизни дайым жаздыргъанлай, окъугъанлай тургъанладан бириди. Бюгюн ол миллетибизни жангыз газетине жаздырыу бла байламлы кесини оюмун айтады: 

Май айны бу кюнлеринде Къабарты-Малкъарны, саулай Россейни да жамауаты айтхылыкъ къырал эмда политика къуллукъчуну – Хаути Хазритович Сохроковну – юбилейин белгилейдиле. Биз, аны шуёхлары бла ишчи нёгерлери, туугъан кюню бла жюрегибизден алгъышлайбыз!

Быйыл 15 майда Совет Союзну Жигити Байсолтанланы Алим туугъанлы 107 жыл толгъанды. Аны бла байламлы миллетибизни атын айтдыргъан уланны музейине байрым кюн кёп адам жыйылгъан эди. 

Къабартылы халкъ жырчы Зарамук Кардангушевни ингиринде да КъМР-ни маданият министри Мухадин Кумахов миллетлени жарсыулу  кезиулери, къууанч заманлары да жыргъа тюшгенлерин чертгенди. 

Прохладнадан 63-жыллыкъ тиширыу полициягъа тарыгъып келгенди. Ол айтханыча, айны ичинде анга танымагъан адамла сёлешип, право низамны сакълаучу эм финанс  организацияланы къуллукъчулары болгъанларын айтхандыла.

Талай кюнню ичинде Нальчикде «Каисса» шахмат арада Къабарты-Малкъарны физкультурасыны бла спортуну сыйлы къуллукъчусу Мажмудин Кармовну хурметине эришиу бардырылгъанды, анга эки жюзге жууукъ адам къатышхандыла. 

Аты таурухлада айтылгъан  эрттегили эллерибизден бириди Эл-Журту. Ол Тырныаууздан ёргерек  барып  Бахсан черегини сол жанында  ариу кюнлюм бетде орналыпды. Кенгден къарасанг, былай гитче жерчикге да ушайды. Алай жууугъуракъ жанласанг а, айхай да, аны уллулугъу, элпеклиги эсленеди.

Россельхознадзорну Къабарты-Малкъарда эм Шимал Осетия-Алания Республикада Управлениясыны фитосанитар эмда урлукълагъа контроль этиу жаны бла бёлюмюню келечилери бизни регионда теплица мюлкледе хар жыл сайын бардырыучу тинтиулерин бу жол да тынгылы тамамлап чыкъгъандыла. Мониторинг Басхан эмда Чегем районлада эм уллу агрокомплекследе ётгенди; алада теплицаланы бар ёлчеми 44 гектаргъа жетеди.