Жамауат

«Заман» миллетибизни жангыз газетиди. Ол халкъны къыраллыгъын кёргюзтген  бир белгиди. Аны бетлеринде малкъар халкъны маданиятыны, тарыхыны, бюгюннгю жашаууну, белгили эмда айтхылыкъ адамларыны, жетишимлерини эмда жарсыуларыны юсюнден басмаланнган материалланы сиз бир башха изданияда табаллыкъ тюйюлсюз.

Къабарты-Малкъар Республиканы школларында ахыргъы къонгуроула зынгырдап бошагъандыла, ала бла бирге газ бла жалчытыучула бардыргъан къоркъуусузлукъ жаны бла жумушланы кезиую да жабылгъанды, - деп белгилегендиле «Газпром межрегионгаз Нальчик» биригиуден.

Быйыл келир айны биринчисинден башлап, Россейде «Честный знак» системаны чеклеринде шоколад, драже, карамель дегенча аллай татлы ашарыкълагъа эмда чайнаучу чайыргъа борчлу халда тийишли белги (маркировка) салынып башланырыкъды, деп билдиргендиле КъМР-ни Экономиканы айнытыу министерствосундан.

Шимал Кавказда жашагъан халкъланы буруннгулу болгъанларына  ала жашагъан жерледе кёп тарых шартла бардыла. Къарачай-малкъар халкъны юсюнден айтханда, ала жашагъан эм ол тийреледе жюрютюлген жер-суу атладыла. Ол хазнабызны сакълау эм ёсюп келген тёлюге ётдюрюу миллетни тарых хазнасын сакълауда уллу магъананы тутады. Аны бла байламлы Солтанланы Магомет редакциягъа жиберген материалы бла шагъырей этебиз.

Тырныауузну Къулийланы Къайсын атлы Маданият юйюнде Элбрус районну  маданият ишчилерини бла чыгъармачы коллективлени тёрели отчёт концертлери болгъанды. Ол регионубузда жашагъан миллетлени маданият байлыкъларын сакълагъан, байыкъдыргъан, фахмулуланы да ачыкълагъан байрам эди. 

Булунгудан Аккайланы Солтанбекни жашы Къумукъ Финн къазауатха къатышханды, Уллу Ата журт урушну кезиуюнде уа ол кесин сынаулу, батыр, жигит аскерчича кёргюзтгенди. Командование бир ненча кере къырал саугъала бла белгилегени да анга шагъатлыкъ этеди. 

Кёп болмай Къабарты-Малкъар къырал аграр университетни келечилери Чегем шахарны 5-чи номерли мектебинде 8-чи–10 -чу классланы окъуучулары бла тюбешгендиле. Бу жол анга сынамлы  преподавательле  Ахматланы Мадина, Черкесланы Солтан, Андзор Болотоков,  Асият Назарова, Марина Шогенова эм Индира Микитаева къатышхандыла. 

Самарада каратени киокусинкай тюрлюсюнден «Шиханны кубогу» деген битеуроссей эришиу къуралгъанды, анга къыралыбызны 26 регионундан 400-ге жууукъ спортчу къатышхандыла.

Быйыл 30, 31 майда бла  1 июньда Элбрус тау-лыжа курортда Сабийлени къоруулауну халкъла аралы кюнюне атап уллу акция бардырыллыкъды. 

Борчлу халда сынауланы ётмеген экскурсоводла эм гидле-тилманчланы ачыкълар муратда жай туризмни кезиуюню аллында республиканы Курортла эм туризм министерствосу тинтиулени бардыргъанды.