Жамауат

Жыл сайын 14 октябрьде, битеу дунияда Стандартланы кюнюн белгилейдиле. Анга энтта да Стандартизацияны битеудуния кюню (World Standards Day) деп да айтадыла. Аны бирикген стандартланы магъанасы уллу болгъанын адамлагъа билдирир хыйсап бла къурагъандыла. Дагъыда жашауларын, профессионал усталыкъларын аллай жууаплы эмда керекли ишге берген специалистлени къыйынларын белгилерча.

Тырныауузда Эсгериуню майданында 2005 жылны 13 октябринде ич ишлени органларында къуллукъ эте тургъанлай ёлгенлеге жораланнган бушуулу митинг болгъанды. Анга  Элбрус муниципал районну жер-жерли администрациясыны башчысыны къуллугъун толтургъан Сотталаны Къурман, Жер-жерли самоуправленияны советини таматасы Тохаланы Хыйса, КъМР-ни Парламентини депутатлары Ахматланы Мурадин бла Хасаитланы Лиза, жамауат эмда билим бериу организацияланы, культураны, спортну эмда саулукъ сакълауну келечилери, Россейни МВД-сыны Элбрус районда Бёлюмюню энчи къаууму  бёлюмню таматасы Шауаланы Арсенни башчылыгъында къатышхандыла, школчула, жамауат да жыйылгъандыла.

Конфет сюймеген хазна адам болмаз. Шоколад, мармелад, леденец, ириска…биз аланы къадар тюрлюлеринден бирин болмаса да башхасын жаратабыз. Алай эсе уа 18 октябрь бизни барыбызгъа да бир гитче байрамгъа саналады, ол - конфетлени Битеудуния кюнюдю.

 Алтыжыллыкъ Гилясов Ансар Алановичге ахча жыйыу башланады. Специалистле тохташдыргъаннга кёре, сабий Аномалия Арнольда-Киари ауруудан ауруйду. 

Хауле итле жайылгъанлары, ала жыйын-жыйын болуп айланнганлары кёплени сагъайтады. Иесиз ит бла тюбегенде не этерге кереклисини юсюнден къыралны кинология федерациясыны президенти Владимир Голубев айтханды. Ол чертгенича, хар инсан да кесине, жаныуаргъа да хата келтирмезча къоркъуусузлукъну жорукъларын билирге керекди. Ол санда жаныуаргъа къалай болушургъа тийишлисин да. Бу проблемагъа уллу кёллюлюк этиу къууанырча эсеплеге келтирлик тюйюлдю. Ит – юй хайыуанды, ол орамда атылып къалмай, иеси бла турургъа керекди, дегенди ол.

Бараз кюн Прохладный шахарда Пролетарская орамда беш этажлы юйге от тюшгенди, деп билдиреди РФ-ни МЧС-ини КъМР-де Баш управлениясыны пресс-службасы. 

Хар жыл сайын 16 октябрьде жер башында ётмекни Битеудуния кюнюн белгилейдиле. Бу байрамны ётмек бишириучюлени эмда татлы ашарыкъла этиучюлени Халкъла аралы союзуну башламчылыгъы бла 2006 жылда къурагъандыла. Энчи ма бу кюнню нек сайлагъанларыны магъанасы да барды – 1945 жылда 16 октябрьде ООН-ну Аш-азыкъ эмда эл мюлк организациясы къуралгъан эди. Эсге сала айтсакъ, аш-азыкъланы Битеудуния кюню да ма анга тюшеди.

«Россети Шимал Кавказ» Къабарты-Малкъарны Кардиология арасын къошакъ халда 234 киловатт электрокюч бла жалчытып башлагъанды. Быллай бир ток анда орнатылгъан эки жангы аппаратны ишлетирге изленеди: ангиографны эмда томографны.

Алгъаракълада  КъМР-ни Саулукъ сакълау министерствосу саугъалагъанланы арасында Элсюерланы Танзиля да барды. Ол бюгюнлюкде Къабарты-Малкъар къырал университетни Медицина факультетини ординатурасын  бошагъанды.

Кючменланы Таубий 1994 жылны 4 мартында Нальчикде туугъанды. 2011 жылда Хасанияны 16-чы номерли школун бошап, бийик билим алыргъа Белгородлу экономика эм право университетге киргенди, анда «юриспруденция» специальностьну сайлагъанды. 2013 жылда аскерге чакъырылгъанды, Екатеринбург шахаргъа тюшгенди.