Тин хазнабыз

Нарт сёзле

Нарт сёзле кёп ёмюрледен бери халкъны жол нёгери болуп келгендиле. Ала тёлюден-тёлюге айтыла, байыгъа, тюрлене да тургъандыла. Аланы  басмалай турууну дурус кёргенбиз. Аланы бир бирлерин газет окъуучуларыбыз жибергендиле, бир бирлери уа китапладан алыннгандыла.

 Айраннга ачы деме, гыржыннга къуру деме

Айранын берсенг, челегин да къызгъанма

Айран ичген къутулду, жугъусун жалагъан тутулду

 Айран тёгюлсе, жугъусу къалыр

Арпа, будай-ашды, алтын, кюмюш а-ташды

 Арпа жетсе багъалыды оракъ

Ач да бол, токъ да бол, намысынга бек бол

Ач отунчуну ачыуу бурнунда

       Ачлыкъ элле къыдыртыр

Ашын ашагъанынгы башын да сыйла

Аш берме да, къаш бер

Ашда-бёрю, ишде – ёлю

Аш кетер да, бет къалыр

Ашына кёре табагъы, балына кёре къалагъы

Ашда уялгъан –мухар, ишде уялгъан –хомух

 Аш хазыр болса, иш харам болур

Ашагъаннга –аш, ашамагъаннга –таш.

Сютсюз ийнек  ёкюрюучю болур

Гыржын- тепсини таматасы

Чакъырылмагъан къонакъ –жонулмагъан таякъ

Чакъырылмагъан къонакъ къачан кетерин сормаз

Чакъырылмагъан къонакъ орун тапмаз

Чакъырылмагъан къонакъ тёрге атламаз

Чакъырылмай келген къонакъ сыйланмай кетер

        Тойгъан антын унутур

Чомарт бергенин айтмаз

Чомарт жарлы болмаз

Чомартны – къолу берекет

Бал чибинни ургъаны ачы, балы татлы

Бозаны арты дауур болур