Жолда къоркъуусузлукъ сакъланырча

Къабарты-Малкъарны бийик таулу районунда жаш алимле «Къоркъуусузлукъну лабораториясы» деген курсланы ётгендиле.

Элбрус районда Огъары Бахсанны орта школуну мурдорунда сабийлени жолда жюрюуню къоркъуусузлукъну жорукъларына юйретгендиле.

КъМР-ни Жарыкъландырыу эм илму министерствосунда сабийле жоллада ачымазча профилактика бардыргъан «Къоркъуусузлукъну лабораториясы»  араны специалистлери эм МВД-ны Элбрус районда къырал автоинспекцияны ишчилери гитче эм орта классланы окъуучуларына дерсле бергендиле.  Энчи тренингледе орамланы макетлерини болушлугъу бла ала жаяу жюрюген адамла эм автомобильле да къатышып тюрлю-тюрлю болумланы тинтгендиле, светофорла орналгъан эм ала болмагъан жерледе транспорт жюрюген жолну къалай ётерге кереклисин ангылатхандыла, аякъ машиналада кеслерине хата келтирмезча къалай тюшерге кереклисин эсгертгендиле. Андан сора да сабийле экспертле бла бирге жоллада къыйын болумлагъа келтирген сылтауланы тинтгендиле эм аладан къутулурча мадарланы къауумун белгилегендиле.

Сабийлеге бу тюбешиу бек сейир ётгенди. Ала жоллада къоркъуусузлукъну юсюнден билимлерин кючлегендиле.

Холамханланы Алима.
Поделиться: