Эл мюлкге - къошакъ халда эки миллиард сом

4 мая, 2023 - 10:03

Эл мюлк продукцияны темир жол бла учуз багъалары бла ташыугъа къошакъ халда  2 миллиард сом бёлюнюрюкдю. Аны юсюнден буйрукъгъа РФ-ни Правительствосуну Председатели Михаил Мишустин къол салгъанды.

Федерал арадан бёлюннген ахча аграрчылагъа транспортха этген къоранчларын азайтыргъа, Россейли регионларына мирзеу, жау битимлени, тахта кёгетле, чабакъ, минерал семиртгичле да ташыргъа онг берликди. «Алай бла  эл мюлкде бла аш-азыкъ чыгъарыуда ишлегенле бек аздан жюклени миллион тоннасын бир жерден башхасына тыйгъычсыз ётдюраллыкъдыла, дагъыда ала ишлерин бардырыргъа керекли затла бла жалчытылынныкъдыла. Регионлада жашагъанланы уа тынгылы продуктланы сайлар амаллары боллукъду», -деп белгилегенди Михаил Мишустин вице-премьерле бла бардыргъан кенгешинде.

Эл мюлк продукцияны темир жол бла ташыугъа къыралны жанындан себеплик этилип 2019 жылда башланнганды. Сёз аллай продукцияны учуз багъала бла ташыугъа этилген къоранчланы къайтарыуну юсюнден барады.  Быйыл февральда РФ-ни Правительствосу анга деп 2 миллиард сом бёлгенди.

 

Юсюпланы Галина хазырлагъанды.
  • 15 просмотров
Поделиться: