Бир кюнню ичинде ишсиз къалмаз ючюн

Ишчини бир кюнню ичинде къуллугъундан эркин этерге жараймыды? РФ-ни Урунуу кодексине тийишлиликде, инсанны ишден эркин этиу дисциплина жууапха тартыуну эм къаты амалыды. Кемчилик болдургъан ишчиге биринчиден сёз бла эсгертирге, выговор чыгъарыргъа, жаланда  андан сора ишден кетерирге болады.

 Алай битеу белгиленнген жорукъланы  къоюп, адамны бир кюнню ичинде къуллугъундан эркин этерге да жарайды. Бир тюрлю праволу сылтау болмай ишге келмей къалгъанла, неда тёрт сагъатха кеч болгъанла, ишге эсирип келгенле, ол санда  наркотикден, уулу затладан, урунуу борчларына къаты бузукълукъла этгенле бир кюнню ичинде ишсиз къалыргъа боллукъларын  билирге керекдиле. 

Дагъыда къырал, коммерциялы неда ишчи жашырынлыкъланы, башха адамны шартларын ачыкъ этгенни, предприятияны ырысхысын урлагъанны, къоркъуусузлукъну жорукъларына къаты бузукълукъ этгенни, ишге кирген кезиуде жалгъан документлени кёргюзтгенни да закон ишден бир кюнню ичинде эркин этерге къояды.

Тикаланы Фатима хазырлагъанды.
Поделиться: