Ич ишле органланы кюню белгиленнгенди

КъМР-де ич ишле министр полицияны генерал-лейтенанты Василий Павлов Къабарты-Малкъарны ич ишле органлары къуралгъанлары бла байламлы алгъышлагъанды. Анга жораланып, ведомствода къууанчлы жыйылыу болгъанды.

Алгъышлауладан  сора борчларын бет жарыкълы толтургъанлары ючюн полициячыланы уллу къаууму КъМР-де МВД-ны Сыйлы грамотасы бла белгиленнгендиле. Василий Павлов Уфада РФ-ни МВД-сыны боксдан чемпионатында жетишимле болдургъан тамата лейтенант Резуан Мазиховну бла кичи сержант Алийланы Маликни алгъышлап, алагъа эсде къаллыкъ саугъала бергенди.

- Мындан ары да профессионал билимигиз, антыгъызгъа кертичилигигиз, салыннган борчланы бийик даражада толтурургъа себеплик этериклеригизге  ишексизме. Бет жарыкълы къуллукъ этигиз, инсанлагъа хурмет беригиз, Ата журтубузну сююгюз,-дегенди Василий Павлов.

Тикаланы Фатима хазырлагъанды.
Поделиться: