Росгвардияны университетлерине чакъырадылаКъабарты-Малкъарда Росгвардияны къуллукъчулары сабийлеге ведомствону вузларына окъургъа кирирге амалланы юсюнден айтхандыла. КъМР-де Росгвардияны управлениясыны офицери Аслан Тубаев Нальчикни 25-чи номерли орта школуну окъуучулары бла тюбеп, миллет гвардияны аскерлеринде къуллукъ этерге окъургъа кирирча къаллай амалла болгъанларыны юсюнден айтханды. Школчулагъа ведомстволу вузлагъа окъургъа кирирге умутлулагъа къаллай излемлеге тийишли болургъа кереклерин, андан сора да льготаланы хайырланырча амалланы юслеринден билдиргендиле. Бир-бир сабийле уа, сорууларына жууапла тапхандан сора, Россей Федерацияны миллет гвардиясына окъургъа кирирге муратлы болгъанларын билдиргендиле. - Курсантла ариу казармалада жашайдыла, аланы битеу керекли литература бла, окъуу пособияла бла да жалчытадыла. Тохташдырылгъан мардала бла тийишлиликде, ала ахча да аладыла. Окъуу юйню бошагъандан сора выпускниклеге лейтенант чын бериледи, - деп билдиргенди капитан Тубаев. Тюбешиуню ахырында къонакъбайла анга быллай магъаналы тюбешиу ючюн ыразылыкъларын билдиргендиле.
Поделиться:
Читать также:
17.04.2024 - 10:44 →
Следовательге улутха берирге умут этгеннге сюд этилликди
16.04.2024 - 12:43 →
Тутмакъда жыйырма жылгъа дери тутулургъа боллукъду
02.04.2024 - 15:20 →
Болумну оноучула бла сюзгенди, учреждениялада да болгъанды
22.03.2024 - 14:58 →
Кийимлеринде уа – уу
14.03.2024 - 10:01 →
Жутлукъ
| ||
