Ишлерин адамлагъа таплыкъгъа деп къурайдыла

Озгъан жылда Россельхозбанкны Къабарты-Малкъар Республикада бёлюмю 7,3 минг ахча берген карталаны чыгъаргъанды.   Аладан асламысы къыркъ тёрт проценти «Мени картам», 32 проценти иш хакъ алгъан картала эм пенсия картала да 15 процент болгъандыла.   «Мени» деген картаны хакъсыз алыргъа боллукъду. Аны игилиги неди десегиз, кёп тюрлю операцияланы, ол санда  «хар затха да кешбэк» деген амаланы хайырланыргъа онг береди.

«Хар затха да кешбек» амалны хайырланнганлагъа сатып алгъан затларыны багъасыны тёрт проценти артха къайтарылады.  Андан сора «Кесинге кешбек сайла» деген  опцияны къошханлагъа ала сюйген бир тюрлю товарланы багъасыны онбеш проценти артха къайтарыллыкъды.  Бу картагъа жаланда бир опция къошулургъа боллукъду, болсада банкоматдан ахчаланы ала тургъан кезиуде  процентлери  тыйылмайдыла. 

«Республикада жашагъанла банкны карталары бла аслам халда хайырланадыла, нек дегенде ала бла тюкенледе эм башха жерледе тёлеулени этерге боллукъду. Аны бла бирге Россельхозбанк клиентлерине энчи опцияланы къошханда дагъыда кёп тюрлю амалланы хайырланыргъа эм къоратхан ахчаларыны бир кесегин артха къайтарыргъа  онг береди. Банк картала бла тюрлю-тюрлю операцияланы бардырып ишлерге итинеди эм ол жаны бла ишин кенгертгенлей барлыкъды», - деп чертгенди Россельхозбанкны Къабарты-Малкъар Республикада бёлюмюню таматасы Алим Сокуров.

 Финанс учреждение регионда ишлеп тебирегенли 182 минг картаны чыгъаргъанды. Банкны бёлюмюню юсю бла 225 биригиу иш хакъ алады, аладан 189 бюджетге киргенлеге саналадыла. Бюгюнлюкде республикада 50 банкомат барды, аланы жыйырмасы Нальчикде орналыпдыла, деп билдиргендиле финанс учрежденияны пресс-службасындан.