Сирке сууну кючюКъолларыгъыздан аман ийисни кетерир ючюн, суугъа азчыкъ сирке суудан (уксус) къуюп, анда бираз тутугъуз. Ызы бла сууукъ сууда жууугъуз. *** Чайникни ичинде хлор къатханны кетерир ючюн ичин суудан толтуруп, аны алтыдан бирине уа сирке суу къуюп, сел отда 20-30 минутну къайнатыгъыз. Сууугъандан сора уа ичин суу бла тынгылы чайкъагъыз. *** Адырлада чайдан бла кофеден къалгъан ызланы кетерир ючюн, сирке сууда неда тузлу сууда жибитилген буштукъ бла ышыргъа керекди. *** Этни къууура туруп, сирке суудан бир-эки къашыкъ къуйсагъыз, ол терк бишерикди. *** Картоф бишген суугъа сирке къошсагъыз, ол эзилмей, тап бишерикди. *** Чабакъны тыш къабугъу чачылмай къырылыр ючюн, аны юсюне сирке суу жагъып, бираз турмагъа къоюп, сууукъ сууда чайкъап ариуларгъа керекди. *** Къакъсыгъан этни ариу жуууп, туз бла чибижиге иги булгъап, сора сууукъ суугъа сирке суудан тамдырып, анда жарым сагъатны тутсагъыз, ийиси кетерикди. *** Бишген этни жылытханда, табагъа сирке суу къошулгъан сууукъ суу къуюп, сел отда ол къуругъунчу жылытсагъыз, аны тюрсюню бусагъат бишгенча болады. *** Къарт тауукъну эти жумушакъ да, татымлы да болурун сюе эсегиз, аны бир сагъатны сирке суу къошулгъан сууукъ сууда тутуп, тышына, ичине да лимон суудан сюртюп биширигиз.
Поделиться:
Читать также:
24.04.2024 - 16:25 →
Сейир адамла бла тюбешиулени эсгере
24.04.2024 - 15:52 →
Заман да, къыйынлыкъ да сындырмагъан тёлю
24.04.2024 - 14:20 →
Хыйлачыла уллайгъанланы сайлайдыла
24.04.2024 - 12:46 →
Абаданла тынчлыкълы жашарча
24.04.2024 - 12:42 →
Халаллыкъды баш жорукъ
|