Мобилизация этилген аскерчилеге себеплик

2022 жылда 7 октябрьде чыгъарылгъан 378-ФЗ номерли Федерал законнга тийишлиликде  жашау журт законодательствогъа ЖКХ жумушла ючюн заманында тёлемеген энчи къауумдан инсанлагъа къошакъ начисленияланы (пени) энчиликлерини белгилеу жаны бла тюзетиуле кийирилгендиле. Анга кёре закон мобилизация этилгенлени эм аланы юйюрлерин борч ючюн пениледен эркин этеди, ЖКХ жумушла жаны бла борчланы кеслеринден а угъай. Жангы жорукъла законну официал халда басмаланнган кюнюнден – 2022 жылда 7 октябрьден – кючюне киредиле.

Закон тохташдыргъаныча, РФ-ни Сауутланнган кючлерине мобилизациягъа  кёре аскер къуллукъгъа чакъырылып контрактха къол салгъан РФ-ни инсаны жашау журт эм коммунал жумушла ючюн заманында неда толусунлай тёлемеген эсе, кёп фатарлы юйде битеулю ырысхыны ремонтуну ахчасын бермеген эсе, анга къошакъ халда борчла салынып турлукъ тюйюлдюле. Аллай льгота ол инсанланы юйюлерини келечилерине да бериледи.

Энчи аскер операциягъа къатышхан битеу гражданла «Ветеран боевых действий» даражаны аладыла. Ол да бир ненча социал льготагъа эркинлик береди, ол санда жашау журтну тутханы эм аны ортакъгъа алгъаны ючюн 50- процентлик компенсация, ары жашау журт управление, кёп фатарлы юйде битеулю ырысхыны тутуу эм ремонт, капремонт ючюн тёлеуле да къошуладыла.

Аны бла бирге, 1995 жылда 12 январьда чыгъарылгъан 5-ФЗ номерли Федерал законну 16-чы статьясына тийишлиликде социал гарантияланы ёлчеми аскерчини аскер къаугъалагъа къатышханына эм ол къошулгъан къоркъуулу болумлагъа кёре белгиленеди.

Капитальный ремонт ючюн заманында тёлемегенле, мобилизация этилгенле кеслери (мобилизацияны заман болжалы ахырына жетгинчи), аланы юйюрлерини адамлары, пениледен эркин этиу льготаны алырча кеслерине тап заманда КъМР-ни Капитальный ремонт фондуна келирге неда телефон бла сёлеширге боллукъдула.

КъМР, Нальчик шахар, Горький атлы орам, 17 «А». Телефонла: 8(800) 700-64-12 (исси ыз); 42-40-23 (приёмный), 42-56-26 (абонемент бёлюм).

Айдаболланы Джамиля хазырлагъанды.
Поделиться: