Ангылатыу семинар

«Ёлюм къайда сатылгъанын айт» деген битеуроссей акцияны экинчи кезиуюнде КъМР-де МВД-ны наркотиклеге къажау управлениясында  акъылбалыкъ болмагъанланы арасында наркотиклени жайыуну профилактикасын бардырыр муратда сабийлеге семинар ётдюрюлгенди.

 Бу ишге республиканы наркотиклеге къажау управлениясыны, МВД-ны районлада бёлюмлерини, УФСИН-ни уголовно-толтуруучу инспекциясыны келечилери, акъылбалыкъ болмагъанланы ишлери жаны бла инспекторла, «Наркология диспансерни» врачлары къатышхандыла.

Семинарны борчу инспекторланы наркотиклени законсуз сатыу-алыугъа къажау ишлерини хайырлылыгъын ёсдюрюудю. Анда  акъылбалыкъ болмагъанла наркотиклени медицина сылтаула бла хайырланнган кезиулени алгъадан ачыкълауну, жаш тёлюню бу тюрлю осал къылыкъдан сакълауну юсюнден айтылгъанды. Андан тышында, наркоманияны профилактикасына, жаш тёлю наркотиклени сатыугъа къатышмазча этиуге энчи эс бёлюннгенди.

Жыйылгъанла презентация материалла бла шагъырейленнгендиле, семинарны къурагъанла уа алагъа наркотиклени хаталарыны юсюнден эсгертиу китапчыкъла бергендиле, деп билдиредиле МВД-ны КъМР-де управлениясыны пресс-службасындан. 

Холамханланы Алина.
Поделиться: