Баш сылтауу-сансызлыкъ

Агъачха от тюшмез ючюн   жай эм кюз арты  кюнледе  бютюн сакъ болургъа керекди. Агъачда эм анга жууукъ жерледе  къургъакъ бутакъланы, къауданны эм башха затланы да кюйдюрюрге жарамайды.   Аны сылтауу бла  от тюшюп  битимлеге эм жаныуарлагъа да  уллу заран салыргъа боллукъду.  

Бюгюнлюкде    Рослесхознадзорну  тинтиулерине кёре, ол къабыннган болмагъанды.  Алай  агъач мюлклени барысында да   IV-V класслы къоркъуу сакъланады. Специалистле график бла  кеслерини участокларында  болумгъа кёз-къулакъ болгъанлай турадыла,  техникалары  бла оборудованиялары да  хазырды.

  Бузукълукъ этгенле  административ  жууапха тартылып, иги кесек тазир тёлерикдиле: энчи адам - 15-30 минг сом, къуллукъчу – 20-50 минг  эм организация -100-400 минг сом.   

Специалистле айтханларыча, агъачда ёртенлени кёбюсю адамны хатасындандыла.  Тютюнню хатасындан окъуна башланыргъа боллукъду.  Аны бла байламлы кийирилген тюзетиулени хайыры бла   административ бузукъланы  азайтыргъа онг табылыр деп ышаныулукъ барды.  

Эсге сала айтсакъ: ёртенни эслеген инсан, созмай, республикада диспетчер службагъа бу телефон номерлеге сёлешип билдирирге керекди: 8(8662) 97-38-76 или 8-800-100-94-00.