Мобилизация бла байламлы инсанланы излерикдиле

Сетьде 20 октябрьден башлап къырал службаланы бла органланы ишчилери мобилизациядан къачхан гражданланы табар мурат бла россейлилени фатарларына кирирге эркиндиле деген хапар жайылгъанды деп, билдиреди войнасфейками.рф телеграм-канал.

Баям, аны къурагъанланы муратлары жарым мобилизацияны чегинде аскерге чакъылыргъа боллукъ резервистлени къоркъутургъа эди. Алай бу жаны бла бир жангычылыкъ да этилмегенди. Бусагъатда да, алгъадача, право низамны сакълаучула адамланы юйлерине аладан эркинлик алмай жангызда «Полицияны юсюнден» 3-чю номерли Федерал законнга тийишлиликде кираллыкъдыла. Ол санда аманлыкъчыланы неда бузукълукъ этгенлерине терсленнген адамланы излей да, алай аны ючюн шарт сылтаулары болургъа керекдиле. 

 Мобилизациядан къачханланы юслеринден айтханда уа, повесткаланы адамгъа къол салдырып бергенлерин белгилерге тийишлиди. Повесткагъа къол салмагъан инсаннга уголовный иш ачылмайды. Анга кёре уа, право сакълаучула юйлеге мобилизациягъа тийишли адамланы тутар ючюн кеслерини оноулары бла кираллыкъ тюйюлдюле.  

Къырал Думаны юйюрню, тиширыуланы эм сабийлени ишлери жаны бла комитетини башчысы Нина Останина билдиргенича, бу ыйыкъда къошакъ мобилизацияны чегинде аскерге 260 минг адам чакъырылгъандыла. Асламны информация органланы эсеплерине кёре, мобилизация планны толтургъанларыны юсюнден 44 субъект билдиргендиле. Россейни талай регионунда, Москва бла Москва областьны да къошуп, жарым мобилизация бла байламлы ишле ахырына жетдирилгендиле.