Беларусьдан – эки «алтын»

Минск шахарда эркин тутушуудан «Медвежонок» деген  ачыкъ турнир бардырылгъанды. Анга Россейден, Беларусьдан, Къазахстандан бла Узбекистандан 350-ге жууукъ гёжеф къатышхандыла.

Тутушханланы араларында бизни республиканы келечилери да болгъандыла, ала эки алтын майдал алыргъа да жетишгендиле. Алай бла кеслерини ауурлукъ къауумларында битеу тюбешиулерин да хорлам бла Азаматланы Руслан (48кг.) бла Ислам Кажаров (71кг.) бошагъандыла.