Итле турлукъ жер ишленирикдиЭнди жылны жаз башына Нальчикде 122 чакълы хауле итге деп приют ишленирикди. Анда жаныуарла тийишли болумда жашарыкъдыла, ол санда багъылырча мадар да этилликди. Аны юсюнден бизге шахар округну администрациясыны пресс-службасындан билдиргендиле. Арт заманлада юйсюз итле эшикде, ол санда шахар тийреледе, аслам жайылгъанлары жамауатны жарсытхан уллу проблемаладан бири болгъанды. Аны бла байламлы Нальчикни администрациясында республикада биринчи приютну къурулушун башларгъа оноу этилгенди. Бюгюнлюкде подрядчикни сайларча ачыкъ конкурс бардырылады. Планнга кёре объект Нальчикден чыкъгъан жерде Прохладна шосседе орналлыкъды. Биринчи заманда мында 122 итге жер къураллыкъды. Алай келир заманда питомникни кенгертирге онг барды. Къырал закупкаланы сайтында ишлеге 40,8 миллиондан аслам сом къоратыллыгъы белгиленеди. Алай бла быйыл къурулушха 25,5 миллион эм экинчи жылда 15,3 миллион сом бёлюнюрюкдю. Подряд организация айны ахырына белгили боллукъду. Приютну административ, бакъгъан корпуслары эм вольери боллукъду. Аны бла бирге комплекс жангы оборудование бла да жалчытылынырыкъды.
Поделиться:
Читать также:
18.04.2024 - 10:03 →
Ата журтха сюймекликни кючлей
18.04.2024 - 09:15 →
Газетибизни къадарына уллу кёллю болмайыкъ
17.04.2024 - 18:06 →
Мошенники звонят от имени Центробанка. Как их распознать?
15.04.2024 - 08:58 →
Жазылыу башланнганды, почтагъа барыргъа унутмагъыз!
15.04.2024 - 08:36 →
Бютюн зауукълу солурча
|