Бийикликлени сюйгенлени – пародромда сакълайдыла

Чегемни пародрому  саулай Россейден да экстремалла эм сюйген жерледен бириди. Мында парапланлада учуудан халкъла аралы эришиуле къураладыла, курорт кеси да терк айныйды.

Хауаны таплыгъы пародромну не бийик квалификациялы пилотлагъа дажараулу этеди. Энди юйрене башлагъанла тюз учаргъа, къонаргъа къалай кереклисине тюшюнедиле. Сынамлыланы уа белгили чегем термодинамик сакълайды, аны бла Зинки тауда талай сагъатны учаргъа боллукъду. Экстремалла кеслерин бийик тау маршрутлада сынаяллыкъдыла, Баш Кавказ Хребетге жеталлыкъдыла.

Учуу сезон апрельни ахырында башланып ноябрьге дери барады. Къышда юйрениу эм мотор техникада учуулагъа чыгъаргъа боллукъду. Маршрутлагъа уа  тап кезиу сентябрь-октярь айлагъа тюшеди, кюзгю кюнледе 4000 метр бийикликге дери учаргъа жарайды, деп билдиредиле республиканы курортла эм туризм министерствосундан.