Харьков областда россейли устазланы тутхандыла

Харьков областны жеринде Украинаны Сауутланнган кючлери Россейден келген устазланы тутхандыла. Аланы «Урушну законларын эм тёрелерин бузгъандыла» деген сылтау бла энди тюрмеге олтуртургъа боллукъдула. Аны юсюнден Украинаны вице-премьери Ирина Верещук билдиргенди, деп айтылады войнасфейками.рф телеграм-каналда.

Харьков областда бир россейли устаз да ишлемегенди. Россей Федерацияны Жарыкъландырыу министерствосундан да билдиргендиле анда бизни къыралдан педагогла болмагъанларын.  Асламлы информация органла айтханларына кёре, Харьков областда Украинаны инсанлары устазлыкъ ишни бардырыргъа керекдиле.

Биринчи сентябрьге Харьков областда 90 школ ишлеп башлагъанды, анда жаланда ол жерли устазла окъутадыла.

«Шёндюге украинлы педагогла россейли билим бериу системагъа къалай бла кёчерге боллукъларыны юсюнден сёлешиннгенди. Мен акъыл этгенден, биринчи сентябрьге устазланы 30 проценти  аккредитацияны ётюп бошарыкъдыла»,- деген эди областны аскер-инсан администрациясыны таматасы Виталий Ганчев.

Белгилерчады, Украинаны уголовный кодексини 438 номерли статьясына кёре, ол статья бла устазлагъа сюд этерге хазырланадыла, анда бир сёз да жокъду сабийлени къырал программа бла окъутургъа керекди деп. Ол статьяда сёз тутмакъда тургъанлагъа къалай къарагъанларыны, инсанла бла къалай жюрютгенлерин, адамланы зор бла ишлеге сюргенлерин, миллет байлыкъла къалай тоналгъанларын, уруш баргъанда халкъла аралы правогъа келишмеген  къаллай амалланы хайырланнганларыны юсюнден барады.

 Дагъыда бир затны унутмазгъа керекди, Украинаны вице-премьери Ирина Верещук бир ненча кере ётюрюк хапарланы жайгъаны бла белгилиди.

Сёз ючюн, ол «Азовсталь» заводдан мамыр адамланы чыгъарыргъа  келишим этилмегенди деп жалгъан билдириуню этгенди. Шёндю да мамыр адамлагъа ётюрюк хапарланы айтып, Россей Федерациягъа къажау сюелсинле деген умут бла жайыладыла башда сагъынылгъан билдириуле.

  Бизни корр.

Поделиться: