Россейни аскери Донецкден кетеди

Россейни аскери Донецкден кетеди, энди шахарда ДНР-ны бла Украинаны Сауутланнган кючлерини арасында къаты уруш барлыкъды. Аны юсюнден украинлы асламлы информация органла билдиредиле, деп ДНР-ны шахар паблигине таяна, войнасфейками.рф телеграм-канал жазады.

Украинлы асламлы информация органла башда сагъынылгъан билдириуге шагъатлыкъгъа «Жизнь в ДНР» пабликде этилген жазылыуну басмалагъандыла. Болсада, ол хапарны сетьден бир ненча такъыйкъадан кетергендиле.

Алай, ол кезиуню ичине бир къауумла аны копиясын этип, башха тюрлю жерледе жайгъандыла эм кеси оюмларын айтып башлагъандыла. Ол билдириуню профилинде аны жарашдырылгъан жери Ижевск болгъаны кюрюнеди. Алай эсе уа, ол информация жаны бла ётюрюк хапар болгъанына шагъатлыкъды. Пабликге жазылгъанла ол билдириуню окъугъанларында анга чамланнгандыла, сора аны хазырлагъан жалгъан хапарланы жайгъанын жазгъандыла эм ол адам украинлы пропаганда жанлы болгъаны кёрюнюп турады.  

Саулай да, пабликде жазылгъанына кёре, Донецкде жашагъанла бюгюнлюкде бир тюрлю-бир уллу тюрлениу боллукъду деп сакъламайдыла.

Бизни корр.