Къабарты-Малкъарда сатыу-алыугъа сурам ёсгендиБыйылгъы жылда Россей Федерацияда жумушла тамамлауда эм сатыу-алыуда сурам ёсгенди. Аны юсюнден РИА Новости бардыргъан тинтиуле айтадыла деп билдиреди КъМР-ни Экономиканы айнытыу министерствосуну пресс-службасы. Бу бёлюмде болумну ачыкълар умут бла РИА Новости агентствону экспертлери жети айны ичинде къыралны регионларында потребитель сурам къалай болгъанын тинтгендиле. Ол билдириулеге кёре, россейли регионлада сатыу-алыу эм жумушланы тамамлау жаны бла хал къалай болгъаныны рейтинги тохташдырылгъанды. Асламысында сатыу-алыуда жюрюген ахчаланы саны, хакъ берилип тамамланнган жумушла эм жамауат жерледе ашха-суугъа къоратылгъан ырысхы тергеледи. Бардырылгъан тергеулеге кёре, эм уллу потребитель ёсюм Новосибирск областьда 7,4 процентге ёсгенди. Андан сора сурам Чукотка автоном округда 7 процентден бир кесекге кёпдю, ючюнчю жерде Томск область 7 процент бла тохтагъанды. Январь-июль айлада кёрюмдюлери иги болгъан 10 регионну ичине Дагъыстан Республика (+4,7%), Къабарты-Малкъар Республика (+3,9%), Алтай край (+3,7%), Иркутск область (+3,3%), Шимал Осетия- Алания Республика (+2,5%), Алтай Республика (+2,4%) эм Чечен Республика (2,4%) киредиле. Къабарты-Малкъарда январь-июль айлада башда сагъынылгъан жумушлагъа орта эсеп бла тергегенде ай сайын 22, 4 минг сом къоратылгъанды. РИА Новости агентствону экспертлерини айтханларына кёре, 2022 жылны къалгъан айларында потребитель сурам озгъан жыл бла тенглешдиргенде бир кесекге тюшерикди. Болсада жети айны кёрюмдюлерине кёре, бир-бир регионлада уа аланы саны уа 35 жетерге боллукъду дейдиле экспертле. Россейни регионларында жашагъанла къаллай бир къоранчла этгенлерини юсюнден бу инфографикагъа къарап билирге боллукъду. Ria.ru https://ria.ru/20220912/reyting_spros-1816016734.html?i Бизни корр.
Поделиться:
Читать также:
02.04.2024 - 09:15 →
Тыш къыралла эмда башха регионла бла байламлыкъла кюч ала барадыла
01.04.2024 - 08:50 →
Гитче эмда орта бизнесни магъанасы уллуду
30.03.2024 - 12:00 →
«Не къыйын кюнде да сайлауума сокъуранмагъанма»
30.03.2024 - 08:50 →
Инвестициялагъа – энчи эс
05.03.2024 - 09:28 →
Инфляция азая барады
|