Донбассчылагъа - кезиулю болушлукъ

Битеуроссей халкъ фронтну Къабарты-Малкъарда бёлюмю (ОНФ) "Всё для победы!" проектге кёре Луганск бла Донецк халкъ республикаланы къоруулагъан аскерчилеге бла мамыр инсанлагъа болушлукъгъа энтта да болушлукъ жибергенди. 

Эсге сала айтсакъ, Донбассчылагъа болушлукъгъа деп ОНФ-ни штабына жерлешлерибиз аш-суу, кийимле, шкочулагъа канцеляр керекле эм башха абериле да келтиргенлей турадыла.  Акциягъа ким сюйсе да къатышыргъа боллукъду, ол санда федерал ведомстволаны келечилери тири къошумчулукъ этедиле. Алай бла кёп болмай органладан бири жандауурлукъ фондха юч миллион сомдан аслам ётдюргенди.

Бу кюнледе ОНФ-ни келечилери Донецк Халкъ Республикада биринчи классха барлыкълагъа канцеляр кереклери бла портфельле жибергендиле. Казначействону фдерал управлениясыны Къабарты-Малкъарда бёлюмю болушуп, ОНФ-ни келечилери Одесса областьдан келип, Май районда жашагъан Бровченколаны юйюрлерине болушлукъ тапдыргъандыла. 

Снежана Бровченко кёп сабийли анады. Ол алгъаракълада ОНФ-ни келечилерине жашчыкъларыны экисин да школгъа хазырларгъа къолундан келмезлигин айтып, жарсыгъан эди. Аны себепли жамауатчыла апчыргъа тюшген тиширыуну кесинлей къоймагъандыла.  

 «Всё для победы!» акциягъа ким сюйсе да къатышыргъа боллукъду, аны ючюн жаланда проектни сайтына кирип билдирирге керекди. Аны бла бирге электрон адресине  07region@onf.ru жазаргъа, неда бу адрес бла келирге боллукъду: Нальчик шахар, Ленин атлы проспект, 53-чи номерли юй, 330-чу кабинет.