Студентлеге, шахарчылагъа да - жангы сквер

Республиканы бла Билимни  кюнлерине Къабарты-Малкъар къырал университетни аллында жангы сквер ишленнгенди,-деп билдириледи вузну пресс-службасындан.

 Аны къууанч халда ачылыуу республиканы жюз, КъМКъУ-ну токъсан  жыллыкъларына эм Билимни кюнюне  жораланнганды. Ол регоинну Башчысы Казбек Коковну буйругъу бла «Жашау журтла эмда шахар болум» миллет проектге кёре ишленнгенди. Аны чеклеринде  Нальчикде жамауат аслам хайырланнган дагъыда алты объект сюелтилиннгенди. 

Былтыр  шахарда жамауат аслам хайырланнган жерлени арасында игилендирирге тийишлилерин сайлау бла байламлы битеуроссей акцияны чеклеринде  https://07.gorodsreda.ru/ тюзюнлей-платформада нальчикчиле жети объектни сайлагъандыла, ол санда вузну аллында скверни да.

Нальчик шахар округну  администрациясыны башчысыны орунбасары Тимур Хуров  жангы скверни ачып, байрамгъа келген студентлени жангы окъуу жыл бла алгъышлагъанды. Ол объект  жаш адамла солургъа, ишлерге, сагъыш этерге сюйген жер боллугъун,  ачыкъ кёкню тюбюнде кёрмючле, кинола кёргюзтюллюклерин,  оркестр  концерт бераллыгъын эм башха  акцияла  да ётериклерин эсгертгенди. 

- Бюгюнлюкде къырал санкцияла бла байламлы уллу басымлыкъ сынаргъа тюшгенине да къарамай,  аны таукел политикасы, адамлагъа тап болурча   шахарлада  социал  магъаналы  объектлени къурулушун  тири  бардырады,- деп къошханды   Тимур Хуров.

КъМКъУ-ну студент советини таматасыны орунбасары Елизавета Хуторская да университет жангыртылырча эм игилендирилирча  аслам иш бардырылгъанын эсге салгъанды.  Бюгюнлюкде къырал прогрммагъа кёре, тыш къаралчы стундлеге бла донбассчылагъа  Россейни вузларында окъургъа онг табылгъанын да  байламлыкъла кючленирча  ахшы шартха санагъанын билдиргенди. 

Къабарты-Малкъарда «Россейни халкъларыны ассамблеясы» битеуроссей жамауат-къырал организацяны  келечиси, КъМР-ни халкъ артисти Текуланы Амурбий да   жыйылгъанланы республиканы 100- жыллыгъы бла алгъышлай, жауну, ол санда нацизмни хорларча халкъланы арасында бирлик сакъланыргъа кереклисин энчи чертгенди.