Миллет проектлени бла федерал программаланы толтуруу не халда болгъанына къаралгъандыКъабарты-Малкъарны Башчысы Казбек Коков районланы бла шахар округланы администрацияларыны башчылары бла кенгеш бардыргъанды. Аны ишине КъМР-ни Правительствосуну Председатели Мусукланы Алий, КъМР-ни Башчысыны Администрациясыны таматасы Мухамед Кодзоков да къатышхандыла. Жыйылыуда миллет проектлени бла федерал программаланы регионну жеринде толтуруу не халда болгъанына къаралгъанды. Аны юсюнден билдириу бла республиканы премьер-минитстри Мусукланы Алий сёлешгенди. Ол айтханнга кёре, бусагъатда 173 муниципал келишим къабыл этилгенди, ол а 97,2 процентни тутады. Бу иш андан ары бардырылады, келишимле бегитиу жаны бла чырмаула жокъдула. Бюгюнлюкде 337,4 миллион сом (43,6 процент) хайырланылгъанды. Былтырны бу кезиую бла тенглешдиргенде ахчаны хайырланыу 21,6 процентге ёсгенди. Билим бериу учрежденияланы жангыртыу - баш ишледен бирлери болгъанлай къалады. Быйыл ремонт бардырылгъан 29 школ бла байламлы келишимле къабыл этилинип бошалгъандыла, тийишли ишле тохташдырылгъан болжаллагъа кёре барадыла. 18 объект, белгиленнгенича, быйыл 1 сентябрьге хазыр боллукъдула. «Таза суу» федерал проектге кёре 2023-2024 жыллагъа республикагъа 130 миллион сом бёлюрге белгиленнгенди. Алай федерал ведомствола бла ол ахчаны юсюбюздеги жылгъа ётдюрюуню юсюнден сёлешине турады. Алай этилсе, ахчаны болжалдан алгъа хайырланып башларгъа онг чыгъарыкъды.
Поделиться:
Читать также:
19.04.2024 - 09:27 →
"Заманны"-хар таулу юйюрге
18.04.2024 - 10:03 →
Ата журтха сюймекликни кючлей
18.04.2024 - 09:15 →
Газетибизни къадарына уллу кёллю болмайыкъ
17.04.2024 - 18:06 →
Мошенники звонят от имени Центробанка. Как их распознать?
15.04.2024 - 08:58 →
Жазылыу башланнганды, почтагъа барыргъа унутмагъыз!
| ||
