Сабийлеригизге антибиотиклени берирге ашыкъмагъыз

Жангы жайылгъан жукъгъан аурууну кезиуюнде сабийлени, аны бла бирге уа саулай юйюрлени къалай сакъларгъа, къорууларгъа боллугъуну юсюнден «Комсомольская  правда» газетни корреспонденти Татьяна Русиновагъа РФ-ни Саулукъ сакълау министерствосуну Уралда къырал медицина университетини (Екатеринбург шахар) профессионал усталыкъны ёсдюрген факультетини поликлиникалы педиатрия кафедрасыны башчысы, профессор, медицина илмуланы доктору Софья Анатольевна Царькова ангылатады:

- Сабийни иммунитетин игилендирир, кётюрюр, анга аурууну жукъдурмай да сакълар ючюн, эм алгъа кюнню режимин тынгылы  къураргъа эмда ол режимни бузмай, тап жалчытыргъа керекди. Тийишлисича жукъудан къанмагъан гитчеле ауруугъа бегирек хорлатадыла. Аны себепли жукъугъа сегиз сагъатны бёлюрге керекди. Андан сора да, кюндюз бир-эки сагъатны ала, кючлеринден келгенича, физический тириликде болурларын жалчытыгъыз.

Дагъыда таза хауагъа чыгъаргъа унутмагъыз, бегирек да агъач болгъан жерледе неда паркда солугъуз. Сабийни аш-суууна да эс буруп, анга сютден этилген ашарыкъланы, жемишлени, кёгетлени къошугъуз.

Гитчеликден окъуна тазалыкъгъа юйретигиз: ашха узалырдан алгъа къолчукъларын жууу, суу бла процедураланы дайым да этиу, таза кийим жюрютюуню тийишлисин ангылатыу. Дезинфекция этген заты бла шешачыкъны неда сапынны аланы кеслерине энчи сатып алыгъыз. Ол шарт да сабийни жууаплылыкъгъа тюшюндюрлюкдю.

Бактериялагъа къажау препаратла жаланда бактерияланы хаталарындан чыкъгъан, къозгъалгъан ауруулагъа (ала уа гитчеледе 10 процентден кёп тюбемейдиле) бакъгъанда хайырланыргъа тийишлидиле. Вирусланы алагъа антибиотикле жараялырча компонентлери жокъдула.

Бютюнда аны себепли вируслу ауруулада антибиотикни хайырланыуну бир тюрлю магъанасы жокъду, ол угъай эсенг, аллай амал хаталы эмда къоркъуулу окъунады. Антибиотикле адамны саулугъуна заран салыргъа боллукъдула, аланы санында: бауурну бла бюйреклени ишлегенлеринде тюрлениуле чыгъадыла, аллергияны къозгъайды, иммунитетни къарыусузландырады. Бактериялагъа къажау дарманланы жаланда врач буюрургъа тийишлиди!

Сабийледе вируслу инфекцияны аурууларына багъыуда къоркъуусузлукъ жаны бла хаталы болмагъан вируслагъа къажау комплексли препаратланы хайырланыргъа керекди. Сёз ючюн, гитчелеге Эргоферонну берирге боллукъду. Ол алада ОРВИ-ни ышанларыны (симптомларыны) узакъгъа созулууларыны заманын азайтханы бла бирге ауруудан сора чыгъаргъа боллукъ осложненияладан профилактикады.

Сабий  этини къызыулугъу (температурасы) кётюрюлюп, къарыусуз болуп, тамагъы ауругъанына, бурун суу этгенине, жётели барлыгъына тарыгъа эсе, жашагъан жеригизге кёре сизге къарагъан педиатргъа билдирирге керексиз. Къайда да гитчени садикге неда школгъа жибермегиз. Ата-анала эслеринде тутаргъа тийишлидиле: ауруудан кеси аллынга багъылыргъа кюрешиу – ол саулукъгъа заран салыргъа боллукъду.

 

 

Басмагъа Мокъаланы Зухура хазырлагъанды.
Поделиться: