Жамауатны келечилеринден бир кемчилик да ычхынмайды

Кёп болмай Битеуроссей халкъ фронтну Къабарты-Малкъарда бёлюмюню келечилери радиода тюзюнлей эфирде жамауатны жарсыуларыны  юсюнден хапар айтхандыла. Ала  билдиргенлерине кёре,  кёп магъаналы  жумушла къалай  мамаланнганларына  контроль бардырадыла. 

Алгъаракълада ала  шахарны жолларында къоркъуусузлукъну жалчытыугъа   тийишли халда эс бурургъа,  ол санда сакъатлагъа  тынч болурча мадарла этерге, социал магъаналы объектлени къатында инфраструктураны игилендирирге кереклисин эсгертген   эдиле. Андан сора да, бир-бинр магъаналы  башлмчылыкълагъа эс бурулмай къалгъанын  да белгилегендиле. 

 Сёз ючюн, былтыр хауле итлени кёплюгю  жамауатха къоркъуу салгъаныны, аланы бир жерде тутарча мадар этерге  кереклисини юсюнден   республиканы башчысына да билдирирлген эди. Бюгюнлюкде  иш жеринден тепгенди,    проект жарашдырылгъанды, анга кёре, жууукъ заманда Прохладна шосседе  беш жюз ишге  жер къураллыкъды.

 - Тюзюнлей эфирде радиогъа тынгылаучулагъа былтыр жылны ахырында сагъыннган   проблемаларыбыз бла байламлы  тюрлениуле этилгенлерини   юсюнден айтханбыз.  Хауле итлени  жайылыуларына  да эс бурулгъанды. Ол хал  жамауатны талай   жылны жарсытады.  Аны ючюн бизни баш  магъаналы жумушларыбызны арасында  ол магъаналы жерни  алады,- дейди ОНФ-ну келечиси  Ислам Макоев.