Чабакълагъа бла башха тенгиз продукциягъа - къаты контрольБыйыл озгъан тогъуз айны ичинде Роспотребнадзорну Къабарты-Малкъарда управлениясы тенгиз продукция сатхан эмда хайырланылгъан 401 чакълы объектни тинтгенди. Ол санда тюкенлени, ашханаланы, билим бериу учрежденияланы эм башха жерлени. Аладан бешисинде санитар-техника, гигиена болум жорукълагъа келишмегени, продукция тийишлисича сакъланмагъаны, алыучулагъа тюз информация берилмегени эмда башха кемчиликле табылгъандыла. - Контроль-надзор бардырылгъанда, тенгиз продукцияны 130 тюрлюсюне санитар-химия, физика-химия, бактерияла эм башха затла бла байламлы анализ этилгенди. Аладан биринде да саулукъгъа заран салырча абери табылмагъанды. Башха бузукълукъла бла байламлы 5 административ иш ачылгъанды. Алагъа кёре 28 минг сом тазир салыннгнды. Саулай да рейдни кезиуюнде 222 килограмм продукция тинтилгенди, андан бир къаууму неда 4 килограммы сатыудан кетерилгенди. Роспотребнадзорну Къабарты-Малкъарда управлениясында мындан арысында да чабакъланы эм башха тенгиз продукцияны качествосуна къаты контроль этиллигин билдиргендиле.
Поделиться:
Читать также:
20.04.2024 - 09:03 →
«Сабий чыгъармачылыгъым энчи ёхтемлигимди»
19.04.2024 - 13:05 →
Юлюшлю къурулушда ахшы амал
19.04.2024 - 12:24 →
Ауулну жарсыулу къадары
19.04.2024 - 12:23 →
Элледе жолла мардалагъа келиширча
18.04.2024 - 12:23 →
«Не заманлада да чагъыргъа жамауат къажау сюелгенди»
|