Гёжефлерибиз финалгъа чыкъгъандыла6-7 сентябрьде Нальчикде «Гладиатор» универсал спорт комплексде бел баулада тутушуудан Россейни Чемпионаты болгъанды. Анга къыралны 29 регионундан эркин эм классика тутушуу бла кюрешген 250 гёжеф къатышхандыла. Эришиуледе тюрлю-тюрлю ауурлукълада бизни жерлешлерибиз он майдал къытхандыла. Алай бла эркин тутушуучуланы арасында - 100 килограмм ауурлукъда Мурзабек Мисостов алтын майдалгъа тийишли болгъанды. Темиржанланы Шамил бла Рустам Иванов 75 эм 100 килограмм ауурлукъда экинчи жерлеге чыкъгъандыла. Гуппойланы Алина уа 52 килограмм къауумда доммакъ майдал бла саугъаланнганды. Классиклени арасында 82 килограмм ауурлукъда Астёма Барагунов «кюмюш» алгъанды. Аслан Гоплачев(62 кг), Ислам Машитлов(68 кг), Залимхан Жуков(75 кг), Беслан Ассакалов (82 кг) эм Аслан Дадов (+100 кг) ючюнчюле болгъандыла. Биринчи жерлеге чыкъгъанла 28-31 октябрьде Къазанда дунияны чемпионатына къатышырыкъдыла.
Поделиться:
Читать также:
22.03.2024 - 14:57 →
Кючлюлени санында
21.03.2024 - 09:05 →
Жарау этиу - къарыуну, ниетни да кючлеген амал
19.03.2024 - 09:49 →
«Алтын», «кюмюш» да бизникиледиле
19.03.2024 - 08:14 →
Эм кючлюлени санында
18.03.2024 - 12:16 →
Биринчи эришиуде – ахшы кёрюмдюле
|