Математиканы энчиликлерине тюшюне

«Антарес» деген билим бериу арада олимпиадалы математикадан смен бардырылып бошалгъанды. Анга 6-8 классланы окъуучулары къатышхан эдиле.

Дерсле бу айны аллында башланнгандыла, тогъуз кюнню ичинде бардырылгъандыла. Конкурс айырыулагъа 400-ден артыкъ адам къатышханды. Аланы жетишимли ётгенлени саны 80 болгъанды. Сагъынылгъан кезиуде сабийле «Кюн шахар» академияда окъугъандыла, жашагъан да анда этгендиле.

Саулай айтханда, алагъа математикадан билим 84 сагъатны ичинде берилгенди. Сабийле эки олимпиаданы ётгендиле, он проект хазырлагъандыла.

Кавказны математика арасы эмда Адыгея республиканы математика школу бу ишге себеплик этгендиле.