Сабийлени кёллерин алгъандыла

25 июня, 2021 - 08:22

Росгвардияны Звёздный элде орналгъан бёлюмюню аскерчилери сабийлеге эм юйюрлеге социал-болушлукъ берилген республикалы арадан къызчыкъланы бла жашчыкъланы Нальчикни ара солуу паркына элтгендиле. Аны юсюнден ведомствону пресс-службасындан билдиредиле.

Паркда уа аланы аттракционлада учургъандыла, зоопаркга да элтгендиле, дагъыда аниматорла бла конкурсла да къуралгъандыла. Гвардиячыла сабийлеге аскерде къуллукъ этиуню, Уллу Ата журт урушну жигитлерини юслеринден айтхандыла, сорууларына жууапла да бергендиле.

- Бу тюбешиу сабийлени эслеринде къалырча этерге кюрешгенбиз. Мындан ары да быллай сейир жумушла къураргъа муратлыбыз,-дегенди аскер бёлюмню командирини орунбасары Андрей Албетков.

Росгвардиячыла жашчыкъланы бла къызчыкъланы татлы ашарыкъла бла да сыйлагъандыла.

Тикаланы Фатима хазырлагъанды.
  • 23 просмотра
Поделиться: