Такси службаланы ишлерине эс бурулгъанды

Кёп болмай   Роспотребнадзорну Къабарты-Малкъарда бёлюмюнде « иссаи  ыз»  бла такси службаланы ишлерине этилген тарыгъыуланы эсеплегендиле. Саулай да аны кезиуюнде 70-ге  жууукъ бузукълукъ  ачыкъланнганды, деп билдириледи Управленияны пресс-службасындан.  

Аланы кёбюсю чакъырылгъан такси заманында келмегени, диспетчер служба  водительни юсюнден бир тюрлю информация билдирмегени (машинасыны маркасын,  номерин, аты бла тукъумун),  кюн бузулса  багъала къошулгъаны,  аланы ишлерге лицензиялары  болмагъаны бла байламлыдыла. Андан сора да, бир-бир  таксистле узакъ маршрутлагъа барыргъа сюймей къыйнагъанлары да сагъынылгъанды. 

Аны бла бирге Роспотребнадзорну келечилери  машинаны ичи кир болса (санитар-гигиена мардалагъа келишмесе), водитель кесин къылыкъсыз жюрютсе неда  тютюн ичсе, къоркъуусузлукъну жалчытхан устройствола, ол санда сабий олтутурча кресло  болмаса, управлениягъа тарыгъыргъа боллукъларын да эсге салгъандыла.

Ахырында бузукълукъланы бири бла байламлы  сюдге заявление берилгенди, дагъыда жетеулен  а дауларын билдиргендиле.