УФСБ: Ахча къоллу болур умуту юзюлгенди

Россейни Къоркъуусузлукъну федерал службасыны КъМР-де Управлениясыны къуллукъчулары, республиканы полициячылары бла бирге экономикада аманлыкълагъа къажау излеу-тинтиу жумушла бардыргъан кезиуде  коммерциялы организацияны башчысыны  бузукълукъ ишин тыйгъандыла.  

УФСБ-ны пресс-службасындан бизге билдиргенлерича, ол финанс организациягъа тёлеулени ётдюргенини юсюнден жалгъан документлени кёргюзтгенди. Алай бла 4,3 миллион сом къоранч салыннганды. 

РФ-ни УК-сыны 187-чи статьясыны 1-чи кесегине бузукълукъ этилгени бла байламлы терслеу материалла ачылгъандыла. Законлада жазылгъаныча, быллай аманлыкъ этгенни эркинлиги 6 жылгъа дери сыйырылыргъа боллукъду. 

Тикаланы Фатима хазырлагъанды.
Поделиться: