«Ата журтха кемсиз сюймекликни юлгюсюдю»

Жетинчи октябрьде Россейни Президенти Владимир Владимирович Путинни  туугъан кюнюдю. Аны бла байламлы КъМР-ни Башчысы Казбек Коков  МАХ-да каналында  кесини оюмун жазгъанды.

- Бизни Башчыбызны саулай  жашауу да Ата журтха кемсиз сюймекликни, патриотизмни, Къыралгъа эмда кесини халкъына къуллукъ этиуню юлгюсюдю.

Ол адамланы сау-саламатлыкълары бла байламлы эсе, экономикада огъесе социал жашауда болсун,  Президент ууакъ затына дери билмеген бир бёлюм да жокъду. Биз барыбыз да аны алайлыгъын миллет проектледен, къырал программаладан да кёребиз.

Бизни къыралыбыз Владимир Владимирович Путинни биргесине жашагъан заман а асламысында жангырыуну заманы болгъанды. Жоллагъа, жашау журтлагъа тынгылы ремонт этилгенди, жангы мектепле ишленнгендиле неда школла бла садикле, элледе амбулаторияла, уллу медицина арала тынгылы тапландырылгъандыла, производствода, жангы илму тинтиуледе айныу эсленеди, сабийлери болгъан юйюрлеге тутхучлулукъ этиледи. Бизни уллу къыралыбызда тамамланылгъан ишни ёлчемине къарасанг, ол ёхтемлик сезимни къозгъайды.

Кючлю, социал жаны бла тутхучлу экономиканы, къурау ишни тынгылы этгени эмда ырысхы жаны бла оноуларыны себеплиги бла Россей пандемияны хатасы келтирген болумладан къыйналмай чыкъгъанды. Бизге къажау сюелгенле аланы хайыры бла къыралны айныуун тохтатыргъа эмда россейлилени тийишли болумлада жашауларын бла урунууларын тыяргъа кюреше,  тохташдыргъан санкцияланы хаталарындан да сынмагъанды, бюгюлмегенди.

Россей Федерацияны Президенти кесин дуния даражада узакъгъа къарагъан эмда оюмлу политикча кёргюзтгенди. Къыралланы эмда союзланы араларында (многополярный) мамырлыкъны юсюнден дайым да сёлеше, оппонентле Россиягъа  тынгыларча да этгенди.

Бюгюнлюкде бизни къыралыбыз кючлю эмда жалынчакъсыз къыралды, аны кесини сейирлерин къоруулар, къайсы агрессоргъа да къаты жууап берир онглары да бардыла. Россия кесини тин хазналарын сакълай, кючлю, кёп миллетли, деменгили къырал болгъанлай да къалады.

Россейни  халкъы биригиулюкде кючлюдю эмда кесини Башчысына ышана, анга бу къыйын тарыхлы кезиуде тутхучлулукъ да этеди. Къабарты-Малкъар да хар заманда да кесини  Президенти блады!

Саулай да республиканы жамауатыны эмда энчи кесими атымдан Владимир Владимировични  жюрекден алгъышлайма! Къаты саулукъ, таркъаймазлыкъ кюч-къарыу, деменгили Ата журтубузну келир кюню ючюн этген муратларында эмда башламларында уа жетишимле тилейме!

Поделиться: