Айбат эм къоркъуусуз да болгъанды

КъМР-ни  Къурулуш эмда жашау журт-коммунал мюлк министерствосундан билдиргенлерича, бу кюнледе «Жашау этреге инфраструктура» миллет проектге кирген «Иги шахар болум къурау»  федерал проектге кёре  Тырныауузну ара орамында жаяу жолчукъну тапландырырча мадар этилгенди.

Эсге сала айтсакъ, былтыр битеуроссей конкурсну чеклеринде https://07.gorodsreda.ru/ платформада аны ючюн 3162 минг адам тюзюнлей къол кётюргендиле. Жаяу жолчукъ Элбрус проспектде «Геолог» спорткомплексден  башлап 80-чи номерли  кёп фатарлы юйге дери созулады.

Ишлени кезиуюнде тийрени зыбыр-къалгъан къулгъанладн эм башха чырмагъан абериледен да  тазалагъандыла. Жолчукъну мурдорун кючлеп,  бордюрла, плитка  салгъандыла.  Кече жарытырча чыракълы чыпынла, шинтикле, кир-кипчик атарча орунла да жарашдырылгъандыла. Андан сора да, тёгерек-башны  жашиллендирирча да мадар этилгенди.

Бюгюнлюкде жангыртылгъан жамауат жерни шахарчыла эм къонакъла да тири хайырланадыла. Энди уллугъа, гитчеге да жууукъда орналгъан социал магъаналы объектлеге барыргъа тынч эм къоркъуусуз да болгъанды.  Мында кюн сайын сабийлери бла  анала  эм башхала да  солургъа бек сюедиле.