Тютюн, вейп да адамны санларына бирча уулудула

21-27 сентябрьде Россейни Саулукъ сакълау министерствосу ёпкелени саулукъларын кючлеуню ыйыгъын бардырады. Аны чеклеринде тютюн эм вейп адамны саулугъуна салгъан хатаны юсюнден билдирирге сюебиз.

Адам бир жылны ичинде тютюн ичсе, аны ёпкелеринде къаллай бир уулу зат къалгъанын билемисиз? Килограмм тенгли тютюн чайыр!  

Аны хатасындан ёпке башла иничгередиле. Ол а солуу системаны саулай осалгъа бурады, деп эсгертгендиле бизге КъМР-ни Саулукъ сакълау министерствосуну Психиатрияны бла наркологияны клиника арасындан.

Ахыр жыллада электрон тютюн къоркъуусузду, анга адам юйренчек болмайды, деген хапарла кенг жайылгъандыла. Алай ол ётюрюкдю. Вейпни къурамында болгъан суусун затланы  ийисгерге жарамайды, ала кюйген кезиуде къуралгъан тютюн уулуду.

Вейпни хатасындан солуу система бузулады, бронхит къозгъалады, ёпкеле жукъгъан ауруулагъа «ачыкъ боладыла». Тинтиуле кёргюзтгенлерича, вейп ичгенледе ХОБЛ ауруу башланыргъа боллукъду.  Башхача айтханда,  ёпке башла иничгерип,  адам солууун алалмай, жётел этип башлайды, жан солуу этеди.

- Никотини болгъан тютюн, вейп да адамны санларына бирча уулудула. Сиз неда жууукъ адамыгъыз бу осал къылыкъны   къоялмай эсегиз, наркологла болушургъа хазырдыла, багъыуну амаллары бардыла,-дегедиле бизге клиникадан.