Уллу кёллюлюк этмейдиле

 Россельхознадзорну Къабарты-Малкъарда эмда Шимал Осетия-Аланияда управлениясы энчи аскер операциягъа къатышханлагъа къолундан келгенича болушады. Биринчи кюнледен башлап ведомствону келечилери аскерчилеге билеклик этиуню баш борчларындан бирине санайдыла. Ол санда, абериледен тышында, бирде сёз бла тутхучлукъ этгенлери да фронтдагъылагъа  асыу кёрюннгенин да белгилейдиле.

Бу жол да  управленияны келечилери оноулашып,  энчи операциягъа къатышханлагъа гуманитар болушлукъ жибергендиле. Бюгюнлюкде анда аланы коллегаларындан бири къуллукъ этеди. Алагъа керек къурулуш материалла бла бирге, хар замандача, аш-суу да алыннганды. 

Биз къоруулаучуларыбызгъа билеклик этиуде  сёзле бла чекленип къалмай, къолубуздан келгенича болушургъа кюрешебиз. Ишчилерибиз да жууаплылыкъларын ангылап, бирлешгенлери бютюн къыйматлыды, деп билдиредиле  Россельхознадзорну бёлюмюнден.