Сынамлы гёжефле эришгендиле

Бу кюнледе Москвада ауур атлетикадан Россейни чемпионаты ётгенди. Анга къыралны 52 регионундан эр кишиледен бла тиширыуладан эки жюз чакълы гёжеф къатышхандыла, деп билдиредиле КъМР-ни Спорт министерствосундан. 

Бу эришиуледе Къабарты-Малкъарны спортчулары тёрт майдалгъа тийишли болгъандыла. 

Алай бла двоеборьеде 388 килограммны кётюрген Балаланы Хас-Магомет (110 кг), 164 килограммны кётюрген Полина Андреева (49 кг) эм 284 килограммны кётюрген Аслан Каскулов (70 кг) кюмюш майдалгъа тийишли болгъандыла. 

Гюлюйланы Тамерлан, 85 килограмм ауурлукъда 328 килограмм кётюрюп, доммакъ майдал алгъанды. Аны бла былтыргъы кёрюмдюсюн иги кесекге игилендиргенин да белгилерчады. 

Спортчула Жаппуланы Магометде бла Михаил Шекемовда жарау этедиле.